ആദ്യ ചിത്രം ധടക്ക് പുറത്തിറങ്ങിയതോടെ ബോളിവുഡിലെ താരമായി മാറിയിരിക്കുകയാണ് ജാന്‍വി കപൂറും ഇഷാന്‍ ഖട്ടറും. സിനിമ പ്രേക്ഷക പ്രീതി നേടിയതോടെ ഗോസിപ് കോളങ്ങളിലും ഇരുവരും നിറഞ്ഞു. രണ്ടുപേരും ഡേറ്റിങ്ങിലാണെന്നു വരെ റിപ്പോര്‍ട്ടുകള്‍ വന്നു. എന്നാല്‍ ഇപ്പോള്‍ സോഷ്യല്‍ മീഡിയയില്‍ ഇരുവരും ചര്‍ച്ചയാകുന്നത് ഒരു ചിത്രത്തിന്റെ പേരിലാണ്. ഇഷാന്‍ ഇന്‍സ്റ്റഗ്രാമില്‍ പോസ്റ്റ് ചെയ്ത ചിത്രത്തിന്റെ പേരില്‍ ചീത്ത വാങ്ങിക്കൂട്ടുകയാണ് ഇഷാനും ജാന്‍വിയും.
അലസമായ വേഷത്തില്‍ ഇരിക്കുന്ന ജാന്‍വിയുടെ മടിയില്‍ ഇഷാന്‍ കിടക്കുന്നതാണ് ചിത്രം. ബ്ലാക്ക് ആന്‍ഡ് വൈറ്റ് മോഡില്‍ എടുത്തിരിക്കുന്ന ചിത്രം ഇതിനോടകം വൈറലായിക്കഴിഞ്ഞു. ഇതോടെ തെറിവിളിയുമായി ഓണ്‍ലൈന്‍ പോരാളികളും എത്തി. ജാന്‍വിയുടെ വസ്ത്രമാണ് ഒരു വിഭാഗത്തെ പ്രകോപിപ്പിച്ചത്. ഇത്ര ചെറിയ വേഷമാണോ ധരിക്കുന്നത് എന്നായിരുന്നു ജാന്‍വിയോടുള്ള ചോദ്യം. എന്നാല്‍ ഇഷാന്‍ മടിയില്‍ കിടക്കുന്നതാണ് മറ്റുചിലരെ ചൊടിപ്പിച്ചത്. ഈ കിടപ്പൊക്കെ ഓവറാണെന്നാണ് അവര്‍ പറയുന്നത്. എന്തായാലും സോഷ്യല്‍ മീഡിയയില്‍ വിവാദമായിരിക്കുകയാണ് ചിത്രം.
ഫിലിം ഫെയര്‍ മാഗസീനു വേണ്ടി കുറച്ചു നാളുകള്‍ക്ക് മുമ്പ് ഫോട്ടോ ഷൂട്ട് നടത്തിയിരുന്നു. അതില്‍ നിന്നുള്ള ഒരു ചിത്രമാണ് ഇഷാന്‍ ഇപ്പോള്‍ ഷെയര്‍ ചെയ്തിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ