രൺബീറിനെക്കുറിച്ചും വിവാഹത്തെക്കുറിച്ചും ദീപിക പദുക്കോണും ആലിയ ഭട്ടും തുറന്നുപറയുന്ന അഭിമുഖത്തിന്റെ ട്രെയ്ലറാണ് സമൂഹമാധ്യമങ്ങളിൽ വൈറലാകുന്നത്. ബോളിവുഡ് നിര്‍മ്മാതാവും സംവിധായകനുമായ കരണ്‍ ജോഹര്‍ അവതാരകനാകുന്ന കോഫി വിത്ത് കരണ്‍ എന്ന ചാറ്റ് ഷോയുടെ പുതിയ സീസണിന് തുടക്കംകുറിച്ചുകൊണ്ടാണ് താര സുന്ദരിമാർ എത്തുന്നത്. രൺബീറിന്റെ മുൻ കാമുകി ദീപികയും നിലവിലെ കാമുകി ആലിയയും ഒന്നിച്ചെത്തുന്നതുകൊണ്ടുതന്നെ അഭിമുഖത്തിനായുള്ള കാത്തിരുപ്പിലാണ് ആരാധകർ.
കരൺ ജോഹർ തന്റെ ഇൻസ്റ്റഗ്രാം പേജിൽ പങ്കുവച്ച ഷോയുടെ ട്രെയ്ലറിൽ രൺബീറിനെക്കുറിച്ച് ഇരുവരോടുമായി ചോദ്യം ചോദിക്കുന്നുണ്ട്. ഒപ്പം ആരുടെ വിവാഹമാണ് ആദ്യമുണ്ടാകുക എന്ന കരണിന്റെ ചോദ്യത്തിന് ഇരുവരും പരസ്പരം വിരൽ ചൂണ്ടുന്നതും വീഡിയോയിൽ കാണാം. എന്നാൽ ഈ വിഷയത്തിൽ ദീപിക പറയുന്നത് നുണയാണെന്ന് കരണും ആലിയയും പറയുന്നുമുണ്ട്.
ദീപികയുടേയും രണ്‍വീര്‍ സിങിന്റേയും വിവാഹം ഉടനുണ്ടാകുമെന്ന തരത്തില്‍ വാര്‍ത്തകള്‍ പ്രചരിക്കുന്നതിനിടെയാണ് അഭിമുഖം. നവംബർ 20ന് ഇരുവരും ഇറ്റലിയിൽ വച്ച് വിവാഹിതരാകുമെന്നാണ് പുറത്തുവരുന്ന റിപ്പോർട്ടുകൾ. എന്നാൽ ഇതേക്കുറിച്ച് ഔദ്യോഗിക സ്ഥിരീകരണമൊന്നും പുറത്തുവരാത്തതിനാൽ ദീപികയുടെ വാക്കുകൾക്കായുള്ള കാത്തിരിപ്പിലാണ് ആരാധകർ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ