കോട്ടയം: വൈക്കം വിജയലക്ഷ്മിയുടെ പാട്ടിന് കൂട്ടാവാന്‍ മിമിക്രി ആര്‍ട്ടിസ്റ്റായ അനൂപ് എത്തും. വിജയ ലക്ഷ്മിയുടെ സംഗീതമാണ് അവരിലേക്ക് ആകര്‍ഷിച്ചതെന്ന് വിവാഹ വാര്‍ത്ത പരസ്യമാക്കി അനൂപ് പറഞ്ഞു.
പാലാ പുലിയന്നൂര്‍ സ്വദേശിയായ നാരായണന്‍ നായരുടെയും ലൈലാ കുമാരിയുടെയും മകനാണ് അനൂപ്. ഈ മാസം പത്തിന് വിജയലക്ഷ്മിയുടെ വസതിയില്‍ വച്ചാണ് വിവാഹ നിശ്ചയം. ഒക്ടോബര്‍ 22 ന് വൈക്കം മഹാദേവ ക്ഷേത്രത്തില്‍ വച്ച് വിവാഹം നടത്തുമെന്നും കുടുംബാംഗങ്ങള്‍ വെളിപ്പെടുത്തി.
സെല്ലുലോയിഡിലെ ' കാറ്റേ കാറ്റേ എന്ന ഗാനമാണ് വിജയലക്ഷ്മിയെ മലയാളികളുടെ പ്രിയങ്കരിയാക്കിയത്. ശാസ്ത്രീയ സംഗീതത്തിലും ഗായത്രീവീണയിലും പ്രഗത്ഭ കൂടിയാണ് വിജയലക്ഷ്മി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ