മലയാളത്തിലെ ആദ്യ സൂപ്പര്‍ ഹീറോ ചിത്രമായ ദി ഗാംബ്ലറിന്റെ ടീസർ പുറത്ത്. ആന്‍സണ്‍ പോള്‍ നായകനാകുന്ന ചിത്രം സംവിധാനം ചെയ്യുന്നത് ടോം ഇമ്മട്ടിയാണ്. തങ്കച്ചൻ ഇമ്മാനുവേലാണ് ചിത്രത്തിന്റെ നിർമ്മാതാവ്. ടീസർ ഇതിനകം 60,000 പേർ കണ്ടുകഴിഞ്ഞു.
ഇതുവരെ കണ്ട സൂപ്പര്‍ ഹീറോ ചിത്രങ്ങളില്‍ നിന്ന് വ്യത്യസ്തമായിരിക്കും ഈ ചിത്രമെന്ന് സംവിധായകന്‍ ടോം ഇമ്മട്ടി വ്യക്തമാക്കി. ടൊവിനോ നായകനായ ഒരു മെക്സിക്കൻ അപാരതയുടെ സംവിധായകനാണ് ടോം. മമ്മൂട്ടി ചിത്രം അബ്രഹാമിന്റെ സന്തതികളിൽ വേഷമിട്ട ആൻസൺ പോൾ ഇപ്പോൾ, തമിഴ് ചിത്രം റെബ്ബാ മോണിക്ക ജോൺ എന്ന ചിത്രത്തിലാണ് അഭിനയിക്കുന്നത്.
ചിത്രത്തിൽ നെടുമുടി വേണു സുപ്രധാന കഥാപാത്രത്തെ അവതരിപ്പിക്കുമെന്ന് സംവിധായകൻ വ്യക്തമാക്കി. ചിത്രം ഉടൻ തിയേറ്ററുകളിലെത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ