ബോളിവുഡ് താരം സണ്ണി ലിയോണി മമ്മൂട്ടി ചിത്രം മധുരരാജയില്‍ എത്തുന്ന വാര്‍ത്ത ഏറെ അവേശത്തോടെയാണ് ആരാധകര്‍ ഏറ്റെടുത്തത്. ഇപ്പോഴിതാ പതിന്മടങ്ങ് ആവേശത്തില്‍ മധുരരാജയിലെ സണ്ണിയുടെ നൃത്തരംഗവും പ്രേക്ഷകര്‍ സ്വീകരിച്ചുകഴിഞ്ഞു. തിയേറ്ററില്‍ മമ്മൂട്ടിക്കൊപ്പമുള്ള സണ്ണി ലിയോണിയുടെ ഐറ്റം സോങ് കണ്ട് തിമിര്‍ക്കുന്ന ആരാധകരുടെ വിഡിയോയയാണ് ഇപ്പോള്‍ സമൂഹമാധ്യമങ്ങളില്‍ വൈറലാകുന്നത്.
തിയേറ്ററില്‍ ഇരുപ്പിടങ്ങളില്‍ നിന്ന് എഴുന്നേറ്റ് സണ്ണിയുടെ ഗാനത്തിനൊപ്പം ചുവടുവയ്ക്കുന്ന ആരാധകരെയാണ് വിഡിയോയില്‍ കാണാന്‍ കഴിയുക. ഗാനരംഗം എത്തിയപ്പോള്‍തന്നെ ഭൂരിഭാഗം പേരും സീറ്റുകളില്‍ നിന്ന് എഴുന്നേറ്റുകഴിഞ്ഞിരുന്നു. പലരും സ്‌ക്രീനിന് അടുത്തേക്കെത്തിയാണ് ആവേശം പ്രകടിപ്പിച്ചത്.
ട്വിറ്ററില്‍ പങ്കുവച്ച വിഡിയോ സണ്ണി ലിയോണിയും റീട്വീറ്റ് ചെയ്തു. വാവ്... സ്‌നേഹം എന്ന് കുറിച്ചാണ് താരം വിഡിയോ റീട്വീറ്റ് ചെയ്തിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ