ബോളിവുഡ് നടന്‍ നവാസുദ്ദീന്‍ സിദ്ദിഖിയുടെ സഹോദരി ശ്യാമ തമാശി സിദ്ദിഖി അന്തരിച്ചു. 26 വയസായിരുന്നു. എട്ട് വര്‍ഷമായുള്ള കാന്‍സര്‍ പോരാട്ടം അവസാനിപ്പിച്ചാണ് ശ്യാമ മരണത്തിന് കീഴടങ്ങിയത്. ശനിയാഴ്ച പൂനെയിലെ ആശുപത്രിയില്‍വെച്ചായിരുന്നു അന്ത്യം.
പതിനെട്ടാമത്തെ വയസിലാണ് ശ്യാമയ്ക്ക് സ്തനാര്‍ബുദം ബാധിതയാകുന്നത്. തുടര്‍ന്ന് എട്ട് വര്‍ഷമായി ശ്യാമ പോരാട്ടത്തിലായിരുന്നു. ഞായാറാഴ്ച്ച ഉത്തര്‍പ്രദേശിലെ ബുദ്ധാനായില്‍ വെച്ച് ശവസംസ്‌ക്കാരം നടക്കും. നോ ലാന്‍ഡ്‌സ് മാന്‍ എന്ന ചിത്രത്തിന്റെ ഷൂട്ടിങ്ങിനായി യുഎസിലാണ് നവാസുദ്ദീന്‍.
കഴിഞ്ഞ ഒക്ടോബറില്‍ സഹോദരിയുടെ 25ാം പിറന്നാള്‍ ദിനത്തില്‍ ശ്യാമയുടെ കാന്‍സര്‍ പോരാട്ടത്തെക്കുറിച്ച് നവാസുദ്ദീന്‍ സോഷ്യല്‍ മീഡിയയില്‍ പങ്കുവെച്ചിരുന്നു. സഹോദരിയുടെ ചിത്രത്തിനൊപ്പമായിരുന്നു പോസ്റ്റ്. ഡോക്ടര്‍മാരുടെ സഹായത്തില്‍ അര്‍ബുദത്തെ മറികടന്നു എന്നായിരുന്നു പോസ്റ്റില്‍ കുറിച്ചിരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ