മലയാളത്തിന്റെ പ്രിയനടൻ സൗബിൻ ഷാഹിറും ഭാര്യ ജാമിയയും വിവാഹത്തിന്റെ രണ്ടാം വാർഷികം ആഘോഷിക്കുകയാണ്. പ്രിയപ്പെട്ടവൾക്ക് വിവാഹ വാർഷികത്തിന്റെ ആശംസകൾ നേർന്ന് സൗബിൻ കുറിച്ച വാക്കുകളാണ് ഇപ്പോൾ വൈറൽ. രണ്ടുപേരും ഒന്നിച്ചുള്ള ചിത്രങ്ങൾ പങ്കുവച്ചായിരുന്നു സൗബിന്റെ ആശംസ.

വിവാഹദിനം മുതലുള്ള ചിത്രങ്ങളും മകൻ ഒർഹാന്റെ ഒപ്പമുള്ള നിമിഷങ്ങളും സൗബിൻ പങ്കുവച്ചിട്ടുണ്ട്. ‘ജാമൂ… എനിക്കൊപ്പം ജീവിക്കാനുള്ള കരുത്തും ക്ഷമയും നിനക്ക് അള്ളാഹു തരട്ടെ’ എന്നാണ് ചിത്രങ്ങൾക്കൊപ്പം താരം കുറിച്ചിരിക്കുന്നത്. 

കോഴിക്കോട് സ്വദേശിയായ ജാമിയയും സൗബിനും പ്രണയിച്ച് വിവാഹിതരായവരാണ്. ഇന്നലെയായിരുന്നു ഇരുവരുടെയും വിവാഹ വാർഷികം.