മലയാളികള്‍ക്ക് സുപരിചിതയായി നടിയാണ് പാര്‍വതി നായര്‍. ചെറുതും വലുതുമായ നിരവധി കഥാപാത്രങ്ങളെ താരം മലയാളികള്‍ക്ക് സമ്മാനിച്ചിട്ടുണ്ട്. ഇപ്പോള്‍ ബോളിവുഡിലേക്ക് കടന്നിരിക്കുകയാണ് താരം. രണ്‍വീര്‍ സിങ് പ്രധാന വേഷത്തില്‍ എത്തുന്ന 83ലൂടെയാണ് താരത്തിന്റെ അരങ്ങേറ്റം. ചിത്രം റിലീസ് ചെയ്യുന്നതിന് മുന്‍പായി താരത്തിന് വിജയാശംസകള്‍ നേര്‍ന്നിരിക്കുകയാണ് ബോളിവുഡ് സൂപ്പര്‍താരം സല്‍മാന്‍ ഖാന്‍.
പാര്‍വതി തന്നെയാണ് സല്‍മാനൊത്തുള്ള സുന്ദരനിമിഷത്തിന്റെ വിഡിയോ സമൂഹമാധ്യമത്തിലൂടെ ആരാധകര്‍ക്കായി പങ്കുവച്ചത്. ഹിന്ദിയിലും തമിഴിലും റിലീസ് ചെയ്യുന്ന ബിഗ് ബജറ്റ് ചിത്രം ദബങിനും ആശംസകള്‍ നേരാന്‍ പാര്‍വതി മറന്നില്ല. നേവി ബ്ല്യൂ നിറത്തിലുള്ള ഗ്ലാമറസ് വേഷമണിഞ്ഞ് അതിസുന്ദരിയായാണ് പാര്‍വതി നില്‍ക്കുന്നത്. കപില്‍ ദിവിന്റെ ജീവിതം പറയുന്ന 83 ല്‍ ദീപിക പദുക്കോണാണ് നായികയായി എത്തുന്നത്. ചിത്രത്തില്‍ സുനില്‍ ഗവാസ്‌കറിന്റെ ഭാര്യ മര്‍ഷ്‌നെയ്‌ലിന്റെ വേഷത്തിലാണ് താരം എത്തുന്നത്.
ജയിംസ് ആന്‍ഡ് ആലീസ്, നീരാളി, ഓവര്‍ടേക്ക് തുടങ്ങിയ മലയാളചിത്രങ്ങളിലൂടെ നായികയായി തിളങ്ങിയ താരമാണ് പാര്‍വതി. സോഷ്യല്‍ മീഡിയയിലും സജീവമായ താരം നിരവധി ഫോട്ടോകളും വിഡിയോകളും ആരാധകര്‍ക്കായി പങ്കുവെക്കാറുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ