ന്യൂഡല്‍ഹി: ജമ്മു കാശ്മീരിന്റെ പ്രത്യേക പദവി എടുത്തുകളയണമെന്ന് ബോളിവുഡ് താരം കങ്കണ റണാവത്. പുല്‍വാമയില്‍ ഭീകരാക്രമണത്തില്‍ സിആര്‍പിഎഫ് ജവാന്മാര്‍ കൊല്ലപ്പെട്ട പശ്ചാത്തലത്തിലാണ് താരം ഈ പ്രസ്താവന നടത്തിയത്. പ്രധാനമന്ത്രി നരേന്ദ്രമോദിയോട് ഭരണഘടനയിലെ ആര്‍ട്ടിക്കിള്‍ 370 ഒഴിവാക്കണമെന്നും കങ്കണ ആവശ്യപ്പെട്ടു.
പുല്‍വാമയിലേത് സൈനികര്‍ക്കെതിരായ അക്രമമായിരുന്നില്ലെന്നും രാജ്യത്തിനെതിരായതായിരുന്നുവെന്നും കങ്കണ പറഞ്ഞു. 'ഇത്തരം സന്ദര്‍ഭങ്ങളില്‍ രാജ്യം ഒറ്റക്കെട്ടായി നിന്ന് പ്രതിരോധം ഉയര്‍ത്തുകയാണ് വേണ്ടത്.
നമ്മുടെ രോഷം നീതീകരിക്കപ്പെട്ടതാണ്. എന്നാല്‍ അത് മാത്രം പോര. ക്രിയാത്മകമായി എന്തെങ്കിലും ചെയ്യേണ്ടതുണ്ട്. അതിന് ജമ്മു കാശ്മീരിന് പ്രത്യേക പദവി നല്‍കുന്ന ആര്‍ട്ടിക്കിള്‍ 370 എടുത്തുകളയണം. രാജ്യം ഏതെന്ന സംശയത്തില്‍ ജനങ്ങള്‍ ജീവിക്കുന്ന സ്ഥിക്ക് അന്ത്യം കുറിക്കണം'- കങ്കണ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ