ആരാധന അതിരുവിട്ടപ്പോൾ ബോളിവുഡ് താരത്തിന് ജീവനും കൊണ്ട് രക്ഷപ്പെടേണ്ടി വന്നു. ബോളിവുഡ് താരം നവാസുദ്ദീന്‍ സിദ്ദിഖിയെയാണ് ആരാധകര്‍ കൈയ്യേറ്റം ചെയ്തത്. കാണ്‍പൂരില്‍ സിനിമാ ചിത്രീകരണത്തിന് എത്തിയപ്പോഴായിരുന്നു സംഭവം.
രാത് അകേലേ ഹേ എന്ന സിനിമയുടെ ചിത്രീകരണത്തിന് എത്തിയതായിരുന്നു താരം. നടനൊപ്പം സെൽഫിയെടുക്കാൻ ശ്രമിക്കുന്നതിനിടെയാണ് ആരാധകരില്‍ ചിലര്‍ അതിക്രമം കാണിച്ചത്. ആള്‍ക്കൂട്ടത്തിന്റെ തിരക്കിനിടെ കാറില്‍ കയറാന്‍ പോയ സിദ്ദിഖിയെ, ഒരു കൂട്ടം ആളുകള്‍ അദ്ദേഹത്തിന്റെ കഴുത്തില്‍ പിടിച്ച് വലിച്ച് സെല്‍ഫിയെടുക്കാന്‍ ശ്രമിക്കുകയായിരുന്നു.
ഉടൻ തന്നെ സുരക്ഷാ ജീവനക്കാര്‍ ഇടപ്പെട്ടത് കൊണ്ട് നടന് അപകടമൊന്നും സംഭവിച്ചില്ല. ആരാധകരില്‍ നിന്ന് ബലംപ്രയോഗിച്ച് സിദ്ദിഖിയെ മോചിപ്പിച്ച് കാറില്‍ കയറ്റി വിടുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ