ഗള്ളി ബോയില്‍ തന്റെ നായികയായി എത്തിയ ആലിയ ഭട്ടിനെക്കുറിച്ചാണ് നടന്‍ രണ്‍വീര്‍ സിങ് വാചാലനാകുന്നത്. ആലിയയോടൊപ്പം അഭിനയിക്കാന്‍ രസമാണെന്നേ താന്‍ കരുതിയിരുന്നൊള്ളെന്നും പക്ഷെ അവരുടെ യഥാര്‍ത്ഥ കഴിവ് മനസിലായത് ഗള്ളി ബോയിയുടെ സെറ്റിലാണെന്നുമാണ് രണ്‍വീര്‍ സിങ്ങിന്റെ വാക്കുകള്‍.
'ഗള്ളി ബോയില്‍ അഭിനയിക്കുന്നതിന് മുമ്പ് ആലിയയ്‌ക്കൊപ്പം ചില പരസ്യ ചിത്രങ്ങള്‍ ചെയ്തിരുന്നു. അന്നെല്ലാം അവരോടൊപ്പമുള്ള അഭിനയം വളരെ രസകരമായിരുന്നു. വളരെധികം ഉന്മേശമുള്ള ആളാണ് ആലിയ. പക്ഷെ അവരുടെ യഥാര്‍ത്ഥ കഴിവ് മനസിലായത് ഗള്ളി ബോയിയുടെ സെറ്റിലാണ്', സിനിമയുടെ പ്രചരണപരിപാടിക്കായി എത്തിയപ്പോഴാണ് നായികയെക്കുറിച്ച് രണ്‍വീര്‍ തുറന്ന് സംസാരിച്ചത്.
റാസിയിലെ ആലിയയുടെ അഭിനയത്തെക്കുറിച്ചും രണ്‍വീര്‍ എടുത്തുപറഞ്ഞു. ഹൈവേയിലെ ആലിയയുടെ ആഭിനയം കണ്ടപ്പോള്‍ മുതലാണ് താന്‍ താരത്തിന്റെ അഭിനയത്തിന്റെ ആരാധകനായതെന്നും ഒരു വ്യക്തി എന്ന നിലയില്‍ ആലിയ ഒരുപാട് വളര്‍ന്നതായും രണ്‍വീര്‍ അഭിപ്രായപ്പെട്ടു.
ഇരുവരും ഒന്നിച്ചെത്തുന്ന ഗള്ളി ബോയ് ഫെബ്രുവരി 14നാണ് തീയറ്ററുകളിലെത്തുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ