ഒടിയന് പിന്നാലെ മോഹന്‍ലാലും മഞ്ജുവാര്യരും ഒന്നിക്കുന്ന 'മരയ്ക്കാര്‍- അറബിക്കടലിന്റെ സിംഹം' ആരാധകര്‍ ഏറെ പ്രതീക്ഷ വയ്ക്കുന്ന ചിത്രമാണ്. മരയ്ക്കാറിലെ തന്റെ ക്യാരക്ടര്‍ ലുക്ക് കഴിഞ്ഞ പുറത്ത് വിട്ടിരുന്നു. ഇതിന് പിന്നാലെയാണ് ട്രോളന്‍മാര്‍ കൂടിയത്.
ഒടിയനിലെ മഞ്ജുവിന്റെ ' കഞ്ഞിയെടുക്കട്ടെ മാണിക്യാ.. എന്ന ഡയലോഗാണ്
ആട് ബിരിയാണി എടുക്കട്ടെ എന്ന്‌ മാറിയത്.
സുബൈദയായുള്ള പോസ്റ്റര്‍ ഇന്‍സ്റ്റഗ്രാമില്‍ പങ്കുവച്ച താരത്തോട് ഇത് അറബിക്കടലിന്റെ സിംഹമാണ് കഞ്ഞിയൊന്നും പോര, മട്ടന്‍ ബിരിയാണിയോ ചിക്കന്‍ ബിരിയാണിയോ കൊടുക്കണം, ദാരിദ്ര്യം കാണിക്കരുത് എന്നും ചിലര്‍ പോസ്റ്റ് ചെയ്തിട്ടുണ്ട്.
ട്രോളന്‍മാര്‍ ഏറെ ആഘോഷിച്ച മാണിക്യന്‍-അമ്പ്രാട്ടിയുമായുള്ള ഡയലോഗ് പിന്നീട് മഞ്ജുവും പങ്കുവച്ചിരുന്നു. തന്നെ കുറിച്ചുള്ള ട്രോളുകള്‍ ആസ്വദിക്കുന്നുവെന്നും ആറ്റുനോറ്റ് കിട്ടിയ ട്രോളാണ് അതെന്നുമായിരുന്നു മഞ്ജു ഒരു സ്വകാര്യ മാധ്യമത്തിന് നല്‍കിയ അഭിമുഖത്തില്‍ പറഞ്ഞത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ