ദേശീയ അവാര്‍ഡ് ജേതാവ് സലീംകുമാര്‍ പ്രധാന വേഷത്തിലെത്തുന്ന 'താമര' എന്ന ഹ്രസ്വചിത്രം സമൂഹമാധ്യമങ്ങളില്‍ ശ്രദ്ധനേടുകയാണ്. സമകാലിക സംഭവങ്ങള്‍ ചര്‍ച്ചചെയ്യുന്ന ചിത്രത്തില്‍ മറ്റൊരു പ്രധാന കഥാപാത്രത്തെ അവതരിക്കുന്നത് ഉണ്ടയിലെ ബിജു എന്ന കഥാപത്രത്തെ അവതരിപ്പിച്ച് കയ്യടി നേടിയ ലുക്ക്മാന്‍ ആണ്.
ഹാഫിസ് മുഹമ്മദാണ് സംവിധാനം ചെയ്തിരിക്കുന്ന ചിത്രം മനസിലിവുള്ള ഒരോരുത്തരുടെയും കണ്ണ് നനയിക്കും. വാട്‌സ്ആപ്പിലൂടെയും മറ്റു സമൂഹമാധ്യമങ്ങളിലും പെണ്‍കുട്ടികളുടെ നഗ്‌നവിഡിയോ പങ്കുവയ്ക്കുന്ന പ്രവണതയും ഇതേതുടര്‍ന്ന് കുടുംബത്തിന് സംഭവിക്കുന്ന ദുരന്തത്തിന്റെ കഥയാണ് പ്രമേയം.
രവീന്ദ്ര ജയന്‍, സിബി തോമസ്, ലുക്ക്മാന്‍ എന്നിവരാണ് ചിത്രത്തിലെ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. ഇഷ്‌ക്, പുള്ളിക്കാരന്‍ സ്റ്റാറാ എന്നീ ചിത്രങ്ങളുടെ തിരക്കഥാകൃത്തായ രതീഷ് രവിയാണ് താമരയ്ക്കും കഥ ഒരുക്കിയിരിക്കുന്നത്. വിവിധ ഹ്രസ്വചിത്ര മേളകളില്‍ പ്രദര്‍ശിപ്പിച്ചിട്ടുള്ള താമര മികച്ച സംവിധായകനുള്ള അവാര്‍ഡും നേടിയിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ