കൊച്ചി; നടന്‍ മധുവിന് ഫാല്‍ക്കെ അവാര്‍ഡ് നല്‍കണം എന്ന ശുപാര്‍ശയുമായി പ്രധാനമന്ത്രിയ്ക്ക് കത്തെഴുതാന്‍ താരസംഘടനയായ അമ്മയുടെ പ്രസിഡന്റ് മോഹന്‍ലാല്‍. മലയാള സിനിമയുടെ കാരണവര്‍ സ്ഥാനത്തുള്ള മധുവിന് രാജ്യത്തെ പരമോന്നത സിനിമ പരസ്‌കാരമായ ദാദാസാഹിബ് ഫാല്‍ക്കെ അവാര്‍ഡ് നല്‍കണമെന്ന് ആവശ്യപ്പെട്ടുകൊണ്ടാണ് കത്തെഴുതുക. കഴിഞ്ഞ അമ്മ പൊതുയോഗത്തിലെ തീരുമാന പ്രകാരമാണ് പ്രധാനമന്ത്രിയ്ക്ക് കത്ത് അയക്കുന്നത്.
1663 മുതല്‍ സിനിമ രംഗത്ത് സജീവമാണ് മധു. നടന്‍ എന്ന നിലയില്‍ മാത്രമല്ല സംവിധായകന്‍ എന്ന നിലയിലും അദ്ദേഹം കഴിവ് തെളിയിച്ചിട്ടുണ്ട്. 12 സിനിമകളാണ് അദ്ദേഹം സംവിധാനം ചെയ്തിരിക്കുന്നത്. കൂടാതെ ഇരുപതിലേറെ സിനിമകള്‍ നിര്‍മിച്ചിട്ടുമുണ്ട്. മലയാളത്തിന് പുറമെ തമിഴ്, ഹിന്ദി, സിനിമകളിലും അഭിനയിച്ചിട്ടുണ്ട്. പത്മശ്രീയും സംസ്ഥാന സര്‍ക്കാരിന്റെ ജെ.സി ഡാനനിയല്‍ പുരസ്‌കാരവും അദ്ദേഹം നേടിയിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ