ചെറിയ ഇടവേളയ്ക്ക് ശേഷം സോഷ്യല്‍ മീഡിയ ലോകത്തേക്ക് തിരിച്ചെത്തിയിരിക്കുകയാണ് നടി പ്രിയങ്ക ചോപ്ര. പിറന്നാള്‍ ദിനത്തില്‍ സ്‌നേഹവും ആശംസകളും പങ്കുവച്ച ആരാധകര്‍ക്ക് നന്ദി കുറിച്ചുകൊണ്ടാണ് താരത്തിന്റെ മടങ്ങിവരവ്.
ആശംസകള്‍ക്ക് മുമ്പ് പ്രതികരിക്കാതിരുന്നത് സോഷ്യല്‍ മീഡിയയില്‍ നിന്ന് വിട്ടുനിന്നിരുന്നതിനാലാണെന്നും എല്ലാവര്‍ക്കും നന്ദി അറിയിക്കാനാണ് ഇപ്പോള്‍ തിരിച്ചെത്തിയതെന്നുമാണ് താരം കുറിച്ചിരിക്കുന്നത്.
ജൂലൈ 18-ാം തിയതിയാണ് പ്രിയങ്ക 37-ാം ജന്മദിനം ആഘോഷിച്ചത്. പിറന്നാള്‍ ആഘോഷത്തിന്റെ ചിത്രങ്ങള്‍ ഇന്റര്‍നെറ്റില്‍ വൈറലായിരുന്നെങ്കിലും പ്രിയങ്കയുടെ സ്വകാര്യ അക്കൗണ്ടുകളിലൊന്നും ആഘോഷചിത്രങ്ങള്‍ ഇടംപിടിച്ചിരുന്നില്ല. ഇതിന്റെ കാരണവും പുതിയ പോസ്റ്റിലൂടെ വ്യക്തമായിക്കഴിഞ്ഞു.
തിളങ്ങുന്ന ചുവന്ന വസ്ത്രം ധരിച്ച് ഭര്‍ത്താവ് നിക്കിനും അമ്മ മധുചോപ്രയ്ക്കും ഒപ്പം കേക്ക് മുറിച്ച് പിറന്നാള്‍ ആഘോഷമാക്കുകയായിരുന്നു താരം. പ്രിയങ്കയുടെ ബന്ധുകൂടിയായ നടി പരനീതി ചോപ്രയും ആഘോഷങ്ങളില്‍ ഉണ്ടായിരുന്നു. മിയാമിയിലായിരുന്നു വിവാഹശേഷമുള്ള പ്രിയങ്കയുടെ ആദ്യ പിറന്നാള്‍. മിയാമി ബിച്ചില്‍ പിങ്ക് ബിക്കിനിയില്‍ വാട്ടര്‍ സ്‌കൂട്ടര്‍ പറപ്പിക്കുന്ന താരത്തിന്റെ ചിത്രമായിരുന്നു ഏറെ വൈറലായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ