രജിഷ വിജയന്‍ പ്രധാന വേഷത്തിലെത്തിയ മലയാള ചിത്രമാണ് ജൂണ്‍. വന്‍ മേക്കോവറില്‍ ഒരു പ്ലസ്ടു വിദ്യാര്‍ത്ഥിനിയായാണ് രജിഷ ഈ ചിത്രത്തിലെത്തിയത്. ജൂണ്‍ സാറ ജോയ് എന്ന പെണ്‍കുട്ടിയുടെ പ്ലസ്ടു പഠനകാലം മുതല്‍ വിവാഹം വരെയുള്ള കാലഘട്ടം പറഞ്ഞ ചിത്രത്തില്‍ ഗംഭീര മേക്കോവറിലായിരുന്നു രജിഷ എത്തിയത്.
ഇപ്പോള്‍ ചിത്രത്തിന്റെ മേക്കിങ് വീഡിയോ പുറത്തിറങ്ങിയിരിക്കുകയാണ്. സിനിമയില്‍ കാണാത്ത രസകരമായ പിന്നാമ്പുറ ദൃശ്യങ്ങള്‍ ആരാധകര്‍ ഏറ്റെടുത്ത് കഴിഞ്ഞു. ചിത്രത്തിനു വേണ്ടി അണിയറക്കാര്‍ എടുത്ത തയാറെടുപ്പുകളും ലൊക്കേഷനിലെ രസകരമായ കാഴ്ചകളും വിഡിയോയില്‍ കാണാം.
ചിത്രത്തില്‍ മൊട്ടച്ചി എന്ന കഥാപാത്രത്തെ അവതരിപ്പിച്ച വൈഷ്ണവിയും രജിഷയും ചിത്രീകരണത്തിനിടെ ബൈക്കില്‍ നിന്നും വീഴുന്ന രംഗവും ഇതില്‍ ഉള്‍പ്പെടുത്തിയിട്ടുണ്ട്. അങ്കമാലി ഡയറീസിനും ആട് 2 നും ശേഷം ഫ്രൈഡേ ഫിലിം ഹൗസ് ഒരുക്കുന്ന പത്താമത്തെ സിനിമയാണ് ജൂണ്‍. ക്യാമറയുടെ മുന്നിലും പിന്നിലും പുതുമുഖങ്ങളാണ്.
അഹമ്മദ് കബീര്‍ എന്ന നവാഗതനായിരുന്നു ജൂണിന്റെ സംവിധായകന്‍. രജിഷയെ കൂടാതെ ജോജു, അര്‍ജുന്‍ അശോകന്‍, അശ്വതി മേനോന്‍, സര്‍ജാനോ തുടങ്ങിയവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ