ഏറ്റവും പുതിയ സിനിമയായ ഇട്ടിമാണി മെയ്ഡ് ഇന് ചൈനയിൽ കള്ളച്ചിരിതൂകി ഒരു കണ്ണിറുക്കി നില്ക്കുന്ന മോഹൻലാലിന്റെ ചിത്രം ഇതിനകം സോഷ്യൽ മീഡിയയിൽ വൈറായിക്കഴിഞ്ഞു. ഒരു പള്ളിയ്ക്കുള്ളില് നടന്ന ചിത്രീകരണത്തിനിടെ പകർത്തിയ ചിത്രം മോഹൻലാലാണ് ഫെയ്സ്ബുക്കിലൂടെ പങ്കുവെച്ചത്. ഇത് ആരാധകർ ഏറ്റെടുത്തുകഴിഞ്ഞു.
ഇതിനിടെ ലാലേട്ടന്റെ ഇട്ടിമാണി ചിത്രത്തിനൊപ്പം ഒരു ചടങ്ങിനിടെ താന് കണ്ണിറുക്കിച്ചിരിക്കുന്ന ചിത്രം കൂടി ചേര്ത്തു വച്ച് കുഞ്ചാക്കോ ബോബനും ഇന്സ്റ്റഗ്രാമില് ഒരു ചിത്രം പോസ്റ്റ് ചെയ്തു. 'ഫണ്ണി ബോയ്സ്' എന്നാണ് അതിന് ചാക്കോച്ചന്റെ വിശേഷണം. ഇതും ഇപ്പോള് സോഷ്യല് മീഡിയകളില് വൈറലായി മാറിയിരിക്കുകയാണ്.
മോഹൻലാൽ ഫെയ്സ്ബുക്കിലൂടെ പങ്കുവെച്ച ഇട്ടിമാണിയുടെ ചിത്രത്തിൽ നടി രാധിക ശരത് കുമാറിനെയും അവ്യക്തമായി കാണാനാകും. ജിബി ജോജുവാണ് ഇട്ടിമാണി മെയ്ഡ് ഇൻ ചൈന സംവിധാനം ചെയ്യുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ