മണിരത്നത്തിന്റെ ബ്രഹ്മാണ്ഡചിത്രം ‘പൊന്നിയിന്‍ സെല്‍വ’നിൽ നിന്നും അമല പോളിനെ ഒഴിവാക്കിയതായി റിപ്പോർട്ടുകൾ. ചോള സാമ്രാജ്യത്തിലെ രാജാവായിരുന്ന അരുള്‍മൊഴിവര്‍മ്മനെ (രാജരാജ ചോളന്‍ ഒന്നാമന്‍) കുറിച്ച് കൽക്കി കൃഷ്ണമൂർത്തി എഴുതിയ നോവലാണ് ‘പൊന്നിയിന്‍ സെല്‍വന്‍’.
വിക്രം, ജയംരവി, കാര്‍ത്തി, അഥര്‍വ, ഐശ്വര്യ റായി, നയന്‍താര, അനുഷ്‌ക ഷെട്ടി, കീര്‍ത്തി സുരേഷ്, റാഷി ഖന്ന, സത്യരാജ്, പാര്‍ത്ഥിപന്‍, ശരത്കുമാര്‍ തുടങ്ങി വമ്പന്‍ താരനിരയാണ് ചിത്രത്തിലുള്ളത്. അത്തരം ഒരു വലിയ ചിത്രത്തിൽ നിന്നാണ് അമലയെ ഒഴിവാക്കിയത്. ഒഴിവാക്കിയതിന്റെ കാരണം വ്യക്തമാക്കിയിട്ടില്ല. ഇതിന് മുൻപ് വിജയ് സേതുപതി നായകനായ ചിത്രത്തിൽ നിന്നും അമല പോളിനെ നീക്കിയിരുന്നു.
പുറത്തു വരുന്ന റിപ്പോര്‍ട്ടുകള്‍ പ്രകാരം ‘പൊന്നിയിന്‍ സെല്‍വന്റെ’ ഷൂട്ടിംഗ് ഡിസംബര്‍ 16 ന് തായ്‌ലാന്ഡില്‍ ആരംഭിക്കും. 100 ദിവസങ്ങള്‍ നീണ്ടു നില്‍ക്കുന്ന ഒറ്റ ഷെഡ്യൂളിലായിരിക്കും ചിത്രീകരണം. മണിരത്നത്തിന്റെ സ്വപ്നചിത്രമാണിത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ