ഇന്സ്റ്റഗ്രാമില് ഒരുപാട് ഫോളോവേഴ്സ് ഉള്ള താരമാണ് പ്രിയ പ്രകാശ് വാര്യര്. താരത്തിന്റെ പോസ്റ്റുകളെല്ലാം കാണുംമുന്പേ ആരാധകര് ഏറ്റെടുക്കും. ഇപ്പോള് പ്രിയയുടെ ഫോറസ്റ്റ് ഗ്രീന് ഔട്ട്ഫിറ്റി നടത്തിയ ഫോട്ടോഷൂട്ട് ആണ് ഇന്സ്റ്റഗ്രാമില് തരംഗമാകുന്നത്. വസ്ത്രത്തിനു തുല്യമായ പ്രാധാന്യം ആക്സസറീസിന് നല്കുന്ന ഫോട്ടോഷൂട്ടില് ബോള്ഡ് ലുക്കിലാണ് താരം പ്രത്യക്ഷപ്പെടുന്നത്.
ബൊഹീമിയന് തീമിലുള്ള വണ് ഷോള്ഡര് ഡ്രസാണ് ധരിച്ചിരിക്കുന്നത്. പച്ചപ്പട്ടിന് സമാനമായ തുണിയാണ് ഉപയോഗിച്ചിരിക്കുന്നത്. ഇതില് ഗോള്ഡന് നിറത്തിലുള്ള പുള്ളികളുമുണ്ട്. ഒരു വശത്ത് മാത്രമായി ലോങ് സ്ലിറ്റ് നല്കി ട്രെന്റി ഫീച്ചര് എടുത്തു കാണിക്കുന്നുണ്ട്. ഇതിനൊപ്പം കറുപ്പ് ലൂസ് പാന്റ് പെയര് ചെയ്തിരിക്കുന്നു.
പോണി ടെയ്ല് ഹെയര് സ്റ്റൈല് ആണ് ചെയ്തിരിക്കുന്നത്. എന്നാല് കിരീടം പോലെ ഹെയര്പിന്നുകള് അലങ്കരിച്ചിട്ടുണ്ട്. പ്രിയയുടെ കഴുത്തിലെ ചോക്കര് ആരെയും ആകര്ഷിക്കുന്നതാണ്. വസ്ത്രത്തിന്റെ അതേ ഫോറസ്റ്റ് ഗ്രീന് നിറത്തിലുള്ള മുത്തുകള് നിറയുന്നതാണ് ചോക്കര്.
ചര്മത്തിന്റെ യഥാര്ഥ നിറത്തിനു പ്രാധാന്യം നല്കി ന്യൂഡ് മേക്കപ്പ് ആണ് ചെയ്തിരിക്കുന്നത്. ഐമേക്കപ്പില് പച്ചയും പിങ്കും ഷേഡുകള് ചേരുമ്പോള് പ്രിയ കൂടുതല് സ്റ്റൈലിഷ് ആകുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ