പ്രമുഖ തമിഴ് ഹാസ്യതാരം കൃഷ്ണമൂര്‍ത്തി (മാനേജര്‍ കൃഷ്ണമൂര്‍ത്തി)അന്തരിച്ചു. ഹൃദയാഘാതത്തെതുടര്‍ന്ന് ഇന്ന് പുലര്‍ച്ചെയായിരുന്നു അന്ത്യം. കുമളിയിലെ ഷൂട്ടിങ് ലൊക്കേഷനില്‍ വച്ചാണ് അന്ത്യം സംഭവിച്ചത്.
ശക്തി ചിതംബരം സംവിധാനം ചെയ്യുന്ന ചിത്രത്തിന്റെ ഷൂട്ടിങ്ങിനായാണ് കൃഷ്ണമൂര്‍ത്തി കുമളിയിലെത്തിയത്. തേനിക്കടുത്തുള്ള ഷൂട്ടിങ് ലൊക്കേഷനില്‍ വച്ച് പുലര്‍ച്ചെ ഹൃദയാഘാതം സംഭവിച്ചു. അണിയറപ്രവര്‍ത്തകര്‍ ചേര്‍ന്ന് ഉടന്‍ തന്നെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. നാലരയോടെയായിരുന്നു അന്ത്യം.
സിനിമ അഭിനയം തുടങ്ങുന്നതിന് മുമ്പ് പ്രൊഡക്ഷന്‍ കണ്‍ട്രോളറായി ജോലി ചെയ്തിരുന്നതിനാല്‍ മാനേജര്‍ കൃഷ്ണമൂര്‍ത്തി എന്നാണ് അദ്ദേഹം അറിയപ്പെട്ടിരുന്നത്. ഇംഗ്ലീഷ്‌കാരന്‍, റോജാ കൂട്ടം ഫ്രണ്ട്‌സ്, നാന്‍ കടവുള്‍ എന്നിങ്ങനെ ഹിറ്റ് ചിത്രങ്ങളില്‍ അഭിനയിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ