പ്രേക്ഷകഹൃദയങ്ങളിൽ ഇന്നും നിറഞ്ഞുനിൽക്കുന്ന ഒരു ഗാനമാണ് 'നാരി നാരി...'. വർഷങ്ങൾക്ക് ശേഷം ഈ ഗാനത്തിന്റെ റീമിക്സാണ് ഇപ്പോൾ ശ്രദ്ധേയമാകുന്നത്. 'മെയ്ഡ് ഇന്‍ ചൈന' എന്ന മിഖില്‍ മുസലെ ചിത്രത്തിലാണ് ഗാനത്തിന്റെ റീമിക്സ് ഒരുക്കിയിരിക്കുന്നത്.
രാജ് കുമാര്‍ റാവുവും മൗനി റോയിയുമാണ് ഗാനരംഗത്തില്‍ പ്രത്യക്ഷപ്പെടുന്നത്. ഇരുവരുടെയും ഗംഭീര നൃത്തചുവടുകളാണ് ഗാനരംഗത്തിൽ ചിത്രീകരിച്ചിരിക്കുന്നത്.
ബോളിവുഡിലെ ഇരട്ട സംഗീതസംവിധായകരായ സച്ചിനും ജിഗാറും ചേർന്ന് ഈണമിട്ട ഗാനം വിശാല്‍ ദദ്ലാനി, ജോനിത ഗാന്ധി, സച്ചിന്‍-ജിഗാര്‍ എന്നിവരാണ് ഗാനം ആലപിച്ചിരിക്കുന്നത്.
ഗുജറാത്തിൽ സംരംഭകനായ രഘു മേത്ത എന്നയാളെ ചുറ്റിപറ്റിയാണ് ചിത്രത്തിന്റെ കഥ. മാഡോക്ക് ഫിലിംസിന്റെ ബാനറില്‍ ദിനേശ് വിജന്‍ ആണ് സിനിമ നിര്‍മിക്കുന്നത്. ഒക്ടോബര്‍ 25-ന് ചിത്രം തിയറ്ററുകളില്‍ എത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ