ഫാഷൻ പരീക്ഷണങ്ങൾക്ക് മടി കാണിക്കാത്ത ബോളിവുഡ് നടി ആലിയ ഭട്ടിന്റെ പുത്തൻ പരീക്ഷണമാണ് ഹിറ്റാകുന്നത്. അടുത്തിടെ മുംബൈ ഫിലിംഫെസ്റ്റിന്റെ വേദിയിൽ എത്തിയപ്പോഴ‌ായിരുന്നു താര‌ത്തിന്റെ ഈ പരീക്ഷണം. കറുപ്പ് ഓഫ് ഷോൾഡർ ലെതർ ടോപ്പിനൊപ്പം സീക്വിൻ പാന്റ് ധരിച്ചാണ് ആലിയ എത്തിയത്.

ഫ്രില്ലുകൾ പിടിപ്പിച്ച ടോപ്പ് തന്നെയായിരുന്നു ആലിയയുടെ വേഷത്തിൽ ഏറെ ആകർഷകം. കറുപ്പിൽ വെള്ള കുത്തുകളുള്ളതായിരുന്നു പാന്റ്.

മിനിമൽ മേക്കപ്പും പോണിടെയ്ൽ ഹെയർസ്റ്റൈലും ലുക്കിനൊപ്പം ചേർന്നുനിന്നു. മോതിരങ്ങൾ മാത്രമാണ് ആഭരണമായി അണിഞ്ഞിരുന്നതെന്നതും ലുക്കിന് പൂർണ്ണത നൽകി. ലെതർ ടോപ് ധരിച്ച് ആഘോഷവേദിയിലേക്കെത്തിയ നീക്കത്തെ അപ്രതീക്ഷിതമായാണ് ഫാഷൻ ലോകം വിലയിരുത്തുന്നത്.