ബോളിവുഡ് താരദമ്പതികളായ സെയ്ഫ് അലി ഖാന്റെയും കരീന കപൂറിന്റെയും ഏഴാം വിവാഹവാര്ഷികമായിരുന്നു ഇന്നലെ. മകനൊപ്പം കേക്ക് മുറിച്ചാണ് താരദമ്പതികള് ചടങ്ങ് ആഘോഷമാക്കിയത്. പട്ടോഡി കുടുംബത്തില് നടന്ന ആഘോഷരാവില് താരങ്ങളുടെ സുഹൃത്തുക്കളും ബന്ധുക്കളും പങ്കെടുത്തിരുന്നു.
കരീനയുടെ സഹോദരി കരിഷ്മ കപൂറും ചടങ്ങില് പങ്കെടുത്തിരുന്നു. ഇതിന്റെയെല്ലാം ചിത്രങ്ങള് ഇപ്പോള് സമൂഹമാധ്യമങ്ങളില് തരംഗമാവുകയാണ്. 38ാം വയസിലും സീറോ സൈസില് തുടരുന്ന കരീനയുടെ പുതിയ ലുക്കിലുള്ള ചിത്രങ്ങള് ആരാധകരെ അത്ഭുതപ്പെടുത്തുക തന്നെ ചെയ്യുന്നുണ്ട്. സ്ലീവ്ലെസ് ടോപ്പും ജീന്സുമായിരുന്നു കരീനയുടെ വേഷം.
കരീഷ്മ കപൂര്, മകളായ സമീറ കപൂര്, കരീനയുടെയും കരീഷ്മയുടെയും അമ്മ ബബിത, സെയ്ഫിന്റെ സഹോദരിയും അഭിനേത്രിയുമായ സോഹ അലിഖാന്, ഭര്ത്താവ് കുനാല് കേമു എന്നിവരും എത്തിയിരുന്നു.
2012 ഒക്ടോബര് 16 നായിരുന്നു ബോളിവുഡ് കാത്തുകാത്തിരുന്ന ആ വിവാഹം. ആദ്യ ഭാര്യ അമൃത സിങ്ങുമായുള്ള വിവാഹമോചനത്തിനു ശേഷമായിരുന്നു കരീനയുമായുള്ള സെയ്ഫിന്റെ വിവാഹം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ