ജിയോ ബേബി സംവിധാനം ചെയ്ത 'കുഞ്ഞു ദൈവം' എന്ന ചിത്രത്തിന് രാജ്യാന്തര പുരസ്‌കാരം. മികച്ച ബാലനടനുള്ള ദേശീയ പുരസ്‌ക്കാരം ആദിഷ് പ്രവീണിന് നേടിക്കൊടുത്ത ചിത്രം കൂടിയാണിത്. ലൊസാഞ്ചലസ് ലവ് രാജ്യാന്തര ചലച്ചിത്രമേളയിലാണ് കുഞ്ഞു ദൈവം സംവിധാനം ചെയ്ത ജിയോ ബേബിക്ക് മികച്ച സംവിധായകനുള്ള പുരസ്‌കാരം ലഭിച്ചത്.
മികച്ച സംഗീത സംവിധായകനായി ചിത്രത്തിന് വേണ്ടി സംഗീതം നിര്‍വഹിച്ച മാത്യൂസ് പുളിക്കനും തിരഞ്ഞെടുക്കപ്പെട്ടു. ഓഷ്യന്‍ പിക്‌ചേഴ്‌സിന്റെ ബാനറില്‍ സാനു എസ് നായര്‍, നസീബ് ബിആര്‍ എന്നിവര്‍ ചേര്‍ന്നാണ് ചിത്രം നിര്‍മിച്ചത്. രണ്ടു പെണ്‍കുട്ടികള്‍ എന്ന ചിത്രത്തിലൂടെ ശ്രദ്ധേയനായ സംവിധായകനാണ് ജിയോ ബേബി.
ആദ്യ ചിത്രമായ രണ്ടു പെണ്‍കുട്ടികളിലെ പ്രകടനത്തിന് അന്നു ഫാത്തിമയ്ക്ക മികച്ച ബാലതാരത്തിലുള്ള സംസ്ഥാന പുരസ്‌കാരവും ലഭിച്ചിട്ടുണ്ട്. ടൊവീനോ തോമസിനെ നായകനാക്കി സംവിധാനം ചെയ്യുന്ന കിലോമീറ്റേഴ്‌സ് ആന്റ് കിലോമീറ്റേഴ്‌സ് ആണ് ജിയോ ബേബിയുടെ പുതിയ ചിത്രം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ