ലോക്ക്ഡൗണിന്റെ വിരസതകൾ മാറ്റാൻ ആരാധകർക്ക് ഓരോ ചലഞ്ചുകൾ നൽകുന്ന തിരക്കിലാണ് താരങ്ങൾ. സ്കൂൾ കാലഘട്ടത്തിലേയും മറ്റും ചിത്രങ്ങൾ പങ്കുവെച്ച് ആരാധകരെ കൺഫ്യൂഷനിലാക്കുകയാണ് അവർ. ഇപ്പോൾ സോഷ്യൽ മീഡിയയിൽ വൈറലാവുന്നത് നടൻ കുഞ്ചാക്കോ ബോബൻ പങ്കുവെച്ച ചിത്രമാണ്
അഞ്ചാം ക്ലാസിലെ നാടകത്തിന്റെ ചിത്രമാണ് ചാക്കോച്ചൻ പങ്കുവെച്ചത്. എന്നാൽ താരത്തിന്റെ ടാസ്ക് കുറച്ചു കഠിനമാണ്. ആ ചിത്രത്തിൽ നിന്ന് തന്നെ കണ്ടെത്താനാണ് കുഞ്ചാക്കോ ബോബൻ ആരാധകരോട് ആവശ്യപ്പെട്ടിരിക്കുന്നത്. സ്പോർട് മീ ചലഞ്ച്. ആലപ്പുഴ ലിയോ സ്കൂളിൽ അഞ്ചാം ക്ലാസിൽ പഠിക്കുമ്പോഴുള്ള നാടകം. എന്ന അടിക്കുറിപ്പിലാണ് ചിത്രം പങ്കുവെച്ചിരിക്കുന്നത്.
എന്തായാലും താരത്തിന്റെ ചലഞ്ചിന് മികച്ച പ്രതികരണമാണ് ലഭിക്കുന്നത്. കസേരയിൽ ഇരിക്കുന്ന രാജകുമാരിയാണ് ചാക്കോച്ചൻ എന്നാണ് ഭൂരിഭാഗം പേരുടെ കണ്ടെത്തൽ. ആരാധകർ മാത്രമല്ല താരങ്ങളും ചലഞ്ചിൽ പങ്കെടുക്കുന്നുണ്ട്. നടൻമാരായ ഫർഹാൻ ഫാസിലും വിനയ് ഫോർട്ടും കമന്റ് ചെയ്തിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ