സൗഹൃദങ്ങൾക്കും ജീവിതത്തിലെ ചെറിയ സന്തോഷങ്ങൾക്കുമെല്ലാം ഒരുപാട് വിലകൽപ്പിക്കുന്നവരിൽ ഒരാളാണ് നടി പാർവതി തിരുവോത്ത്. അത്തരത്തിൽ ജീവിതത്തിലെ ഒരു ചെറിയ വലിയ കാര്യം ആരാധകരുമായി പങ്കുവച്ചിരിക്കുകയാണ് നടി. മൂക്കുകുത്തിയ ചിത്രവും വിഡിയോയുമാണ് താരം ഇൻസ്റ്റഗ്രാമിലൂടെ പങ്കുവച്ചിരിക്കുന്നത്.
"അമ്മകുട്ട്യേ പോലെ മൂക്കുകുത്തി അമ്മിണികുട്ടി", എന്ന ക്യാപ്ഷനിൽ അമ്മയുടെ ചിത്രമടക്കം പാർവതി പുറത്തുവിട്ടു. ബിഗ്ബിഗ് തിങ്സ് എന്നാണ് ഈ സംഭവത്തെ താരം വിശേഷിപ്പിച്ചത്. കോലിഡ് കാലത്ത് മൂക്കുകുത്തിയപ്പോൾ എടുത്ത മുൻകരുതലിനെക്കുറിച്ചും പാർവതി പങ്കുലച്ചിട്ടുണ്ട്. നൂറ് ശതമാനം സുരക്ഷിതത്വം ഉറപ്പാക്കിയിട്ടാണ് താൻ ഇത് ചെയ്തതെന്നും അതുകൊണ്ടുതന്നെ ഈ അവസരത്തിൽ മൂക്കുകുത്താൻ മറ്റാരെയും താൻ പ്രോത്സാഹിപ്പിക്കില്ലെന്നും പാർവതി വിഡിയോയ്ക്കൊപ്പം കുറിച്ചു.
താരം ഇപ്പോഴാണോ മൂക്കുകുത്തുന്നതെന്ന അമ്പരപ്പിലാണ് പലരും കമന്റ് ബോക്സിൽ എത്തുന്നത്. സംവിധായികയും അടുത്ത സുഹൃത്തുമായ ഗീതു മോഹൻദാസടക്കം പാർവതി നേരത്തെ മൂക്കുകുത്തിയിട്ടുണ്ടെന്ന് വിശ്വസിച്ചിരുന്നവരാണ്. എന്നാൽ യഥാർത്ഥമെന്ന് തോന്നിപ്പിക്കുന്ന മേക്കപ്പിനാണ് പാർവതി ക്രെഡിറ്റ് നൽകുന്നത്. മൂക്കകുത്താൻ ആഗ്രഹം പ്രകടിപ്പിക്കുന്നവർക്ക് ഇതിന്റെ വേദനയെക്കുറിച്ച് വിശദമായി പറഞ്ഞുകൊടുത്തിട്ടുമുണ്ട് നടി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ