വിമാനം എന്ന സിനിമയിലൂടെ അഭിനയത്തിലേക്കെത്തിയ നടിയാണ് ദുർഗ കൃഷ്ണ. പിന്നീട് പ്രേതം 2, ലവ് ആക്ഷൻ ഡ്രാമ തുടങ്ങിയ ചിത്രങ്ങളിൽ തിളങ്ങിയ നടിയുടെ നിരവധി സിനിമകളാണ് റിലീസിന് ഒരുങ്ങുന്നത്. മോഹൻലാൽ ചിത്രം റാം ആണ് ഇതിൽ പ്രധാനം. ഇപ്പോഴിതാ തന്റെ പ്രണയം തുറന്നു പറഞ്ഞിരിക്കുകയാണ് ദുർഗ.
സോഷ്യൽ മീഡിയയിൽ സജീവമായ നടി ഇൻസ്റ്റഗ്രാമിൽ ആരാധകരുമായി സംസാരിക്കുന്നതിനിടയിലാണ് കാമുകനെ വെളിപ്പെടുത്തിയത്. ആരാധകരുടെ ചോദ്യങ്ങൾക്ക് മറുപടി നൽകുകയായിരുന്നു ദുർഗ. കാമുകന്റെ പേര് എന്താണെന്ന ചോദ്യത്തിന് കാമുകൻ അർജുൻ രവീന്ദ്രനൊപ്പമുള്ള ചിത്രം പങ്കുവെക്കുകയായിരുന്നു നടി. നാല് വർഷമായി പ്രണയിക്കുന്നുവെന്നും അർജുൻ തനിക്ക് ലെെഫ് ലെെൻ ആണെന്നും ദുർഗ പറയുന്നുണ്ട്.
അർജുനൊപ്പമുള്ള ചിത്രങ്ങളും ദുർഗ മുൻപും പങ്കുവെച്ചിട്ടുണ്ട്. അടുത്തിടെ അർജുന്റെ പിറന്നാളാഘോഷം ഗംഭീരമായി കൊണ്ടാടിയിരുന്നു. ഇതിന്റെ ചിത്രങ്ങൾ ഇരുവരും തങ്ങളുടെ ഇൻസ്റ്റഗ്രാമിൽ പങ്കുവച്ചിട്ടുണ്ട്. നിർമ്മാതാവാണ് അർജുൻ. മോഡലിങ്ങിലും സജീവമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ