അതിസുന്ദരിയായി, ചിരിച്ച് പോസ് ചെയ്തെങ്കിലും ട്രോളുകൾ വാരിക്കൂട്ടുകയാണ് ബോളിവുഡ് താരം കരീന കപൂർ. ഏറ്റവും പുതിയ ഫോട്ടോഷൂട്ട് ചിത്രങ്ങൾ പുറത്തുവന്നതിന് പിന്നാലെയാണ് സോഷ്യൽ മീഡിയയിൽ താരത്തിനെതിരെയുള്ള ട്രോളുകൾ പിറന്നത്. ഒരു ലൈഫ്സ്റ്റൈൽ മാസികയ്ക്കു വേണ്ടിയുള്ളതായിരുന്നു ഫോട്ടോഷൂട്ട്. 

പേസ്റ്റൽ നീല നിറത്തിലുള്ള റോംപർ ധരിച്ച് ​ഗംഭീര പോസുകളാണ് താരം നൽകിയിരിക്കുന്നത്. പക്ഷെ ചിത്രങ്ങളിൽ എഡിറ്റിങ് അമിതമായി ഉപയോ​ഗിച്ചതാണ് താരത്തെ വെട്ടിലാക്കിയത്. ഫോട്ടോ എഡിറ്റ് ചെയ്തതോടെ കരീനയുടെ കാൽമുട്ട് പോലും കാണാതെയായി എന്നാണ് വിമർശനം.