ബോളിവുഡ് താരജോഡികളായ അമിതാഭ് ബച്ചനും ജയ ബച്ചനുമൊപ്പമുള്ള മഞ്ജു വാര്യരുടെ ചിത്രങ്ങളാണ് സോഷ്യല് മീഡിയയില് വൈറലാവുന്നത്. മുല്ലപ്പൂ ചൂടി സാരിയില് അതിസുന്ദരിയായി നില്ക്കുന്ന മഞ്ജുവാര്യരുടെ ചിത്രങ്ങള് ആരാധകരുടെ മനസു കീഴടക്കുകയാണ്. കല്യാണ് ജുവലറിയുടെ പരസ്യചിത്രീകരണത്തിന് എടുത്ത ചിത്രങ്ങളാണ് ശ്രദ്ധയാകര്ഷിക്കുന്നത്.
വിവാഹവേദിയില് മഞ്ജുവിനെ ചേര്ത്തുപിടിച്ചു നില്ക്കുന്ന ജയയേയും ബച്ചനേയുമാണ് ചിത്രത്തില് കാണുന്നത്. മഞ്ജുതന്നെയാണ് മനോഹരമായ ചിത്രങ്ങള് ആരാധകര്ക്കായി പങ്കുവെച്ചത്. കൂടാതെ നടി റെബ മോണിക്കയേയും വിവാഹവേഷത്തില് അതിസുന്ദരിയായി കാണാം. നിറയെ സ്വര്ണമണിഞ്ഞ് മുല്ലപ്പൂചൂടി മലയാളി വധുവായാണ് റെബ നില്ക്കുന്നത്. പീച്ച് കളര് സാരിയും ഡയമണ്ട് നെക്ലസുമാണ് മഞ്ജു ധരിച്ചിരിക്കുന്നത്.
കല്യാണ് ജുവല്ലറിയുടെ ബ്രാന്ഡ് അംബാസിഡര്മാരാണ് അമിതാഭ് ബച്ചനും ജയ ബച്ചനും മഞ്ജു വാര്യറും. വിവിധ ഭാഷകളിലായാണ് പരസ്യം ചിത്രീകരിക്കുന്നത്.
തെലുങ്ക് സൂപ്പര് സ്റ്റാര് നാഗാര്ജുനയും, കന്നഡ താരം ശിവരാജ് കുമാറും, തമിഴ് താരം പ്രഭുവും, ബോളിവുഡ് താരവും കല്യാണിന്റെ ഗ്ലോബല് ബ്രാന്ഡ് അംബാസിഡറുമായ കത്രീന കൈഫും പരസ്യ ചിത്രത്തില് അഭിനയിക്കുന്നുണ്ട്.പ്രശസ്ത ഛായാഗ്രാഹകനായ രവി വര്മ്മനാണ് പരസ്യ ചിത്രം ചിത്രീകരിച്ചത്. നേരത്തെ പുറത്തുവന്ന പരസ്യ ചിത്രങ്ങളില് മഞ്ജു വാര്യറുടെ അനുജത്തിയായാണ് റെബ എത്തുന്നത്. അതിന് തുടര്ച്ചയായിട്ടാവും ഈ പരസ്യവും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ