ന്യൂഡൽഹി: ഹിന്ദി സീരിയൽ നടൻ പാർഥ്​ സംതാന്​ കോവിഡ്​ 19 സ്​ഥിരീകരിച്ചു. ഏക്​ത കപൂർ നിർമ്മിക്കുന്ന കസൗട്ടി സിന്ദഗി കേ 2 എന്ന പുതിയ സീരിയലിൽ അഭിനയിച്ചുകൊണ്ടിരിക്കേയാണ്​ വൈറസ് ബാധ സ്​ഥിരീകരിച്ചത്​. പരിശോധനാഫലം ലഭിച്ചതിന് പിന്നാലെ മുംബൈ ഫിലിം സിറ്റിയിൽ നടന്നുകൊണ്ടിരുന്ന സീരിയലിന്റെ ഷൂട്ടിങ്​ നിർത്തിവെച്ചു.

സഹതാരങ്ങളോടും അണിയറ പ്രവർത്തകരോടും കോവിഡ്​ പരിശോധനക്ക്​ വിധേയമാകാൻ നിർദേശിച്ചിട്ടുണ്ട്. കസൗട്ടി സിന്ദഗി കേ 2വിൽ കേന്ദ്ര കഥാപാത്രത്തെ അവതരിപ്പിക്കുന്നത്​ പാർഥ്​ ആണ്​. കഴിഞ്ഞമാസം ഷൂട്ടിങ്​ തുടങ്ങിയതോടെ ഹൈദരാബാദിൽനിന്ന്​ മുംബൈയിൽ എത്തിയതായിരുന്നു താരം.