ബോളിവുഡ് താരസുന്ദരി ഐശ്വര്യ റായിക്കൊപ്പമുള്ള മലയാളികളുടെ പ്രിയ നായിക ശോഭനയുടെ ചിത്രമാണ് സോഷ്യൽ മീഡിയയിൽ ശ്രദ്ധനേടുന്നത്. മണിരത്നം തിരക്കഥ എഴുതി സംവിധാനം ചെയ്ത രാവൺ എന്ന സിനിമയുടെ ലൊക്കേഷനിൽ നിന്നുളള ഫൊട്ടോയാണിത്. ചിത്രത്തിൽ നടിമാർക്കൊപ്പം ശോഭനയുടെ അമ്മയുമുണ്ട്. ശോഭന തന്നെയാണ് ഈ ചിത്രം പങ്കുവച്ചത്.
”അമ്മയ്ക്കും സുന്ദരിയായ ഐശ്വര്യ റായിക്കുമൊപ്പം ഞാൻ. മണിരത്‌നത്തിന്റെ രാവൺ സിനിമയിലെ പാട്ടിന് വേണ്ടി കൊറിയോഗ്രാഫി ചെയ്യുന്ന സമയത്ത്” എന്ന് കുറിച്ചാണ് ശോഭന തന്റെ ഇൻസ്റ്റഗ്രാം പേജിൽ ചിത്രം പങ്കുവച്ചത്.
സിനിമയിലെ ‘കൽവരേ കൽവരേ’ എന്ന ഗാനത്തിന് കൊറിയോഗ്രാഫി ചെയ്തത് ശോഭനയായിരുന്നു. പൃഥ്വിരാജും ഐശ്വര്യയുമാണ് ഈ ഗാനരംഗത്തിൽ അഭിനയിച്ചിരിക്കുന്നത്. ഗാനരംഗത്തിലെ അതേ കോസ്റ്റ്യൂമിലാണ് ഐശ്വര്യ ഫൊട്ടോയിലുളളത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ