നടി നയൻതാരയ്ക്കും സംവിധായകൻ വിഗ്നേശ് ശിവനും കോവിഡ് 19 സ്ഥിരീകരിച്ചെന്നും ഇരുവരും ഐസൊലേഷനിലാണെന്നുമുള്ള വാർത്തകൾ വ്യാജമാണെന്ന് റിപ്പോർട്ട്. തമിഴ്‌നാട്ടിൽ രോ​ഗവ്യാപനം കൂടുതലാണെന്നിരിക്കെയാണ് ഇത്തരത്തിൽ വാർത്തകൾ പ്രചരിക്കുന്നത്.

രാജ്യത്ത് കോവിഡ് തീവ്രമായി ബാധിച്ച പ്രദേശങ്ങളിലൊന്നാണ് ചെന്നൈ. ഇവിടുത്തെ രണ്ട് ഹോട്ട്‌സ്‌പോട്ടുകളായ കോടമ്പാക്കത്തും വത്സരവാക്കത്തുമാണ് തമിഴ് സിനിമാതാരങ്ങൾ ഏറെയും താമസിക്കുന്നത്. ഇതാണ് ചില തമിഴ് സംവിധായകർക്കും താരങ്ങൾക്കും കൊറോണ വൈറസ് ബാധിച്ചുവെന്ന വാർത്തകൾ പ്രചരിക്കാൻ കാരണം.

നയൻതാരയും വിഗ്നേശും ചെന്നൈ എഗ്മോറിൽ ഐസോലേഷനിൽ ആണെന്നായിരുന്നു ചില തമിഴ് പത്രങ്ങൾ റിപ്പോർട്ട് ചെയ്തത്. അതേസമയം ഈ വാർത്ത സത്യമല്ലെന്നാണ്  ഇരുവരോടും അടുത്ത വൃത്തങ്ങൾ പറയുന്നത്.