ഷെെൻ ടോം ചാക്കോയും രജിഷ വിജയനും കേന്ദ്രകഥാപാത്രങ്ങളാകുന്ന ഖാലിദ് റഹ്മാൻ സംവിധാനം ചെയ്യുന്ന സിനിമയുടെ ചിത്രീകരണം തുടങ്ങി. എറണാകുളത്ത് വൈറ്റിലയിലാണ് ചിത്രീകരണം നടക്കുന്നത്. കോവിഡ് മുൻകരുതലുകൾ പാലിച്ച് സർക്കാർ നിർദേശങ്ങൾ അനുസരിച്ചാണ് ഷൂട്ടിങ്ങ് മുന്നേറുന്നതെന്ന് അണിയറപ്രവർത്തകർ അറിയിച്ചു.
പൂർണമായും ഇൻഡോറിൽ ചിത്രീകരിക്കുന്ന സിനിമയിൽ 30 പേർ മാത്രമടങ്ങുന്ന ടീമാണ് പ്രവർത്തിക്കുന്നത്. ഭർത്താവിന്റെയും ഭാര്യയുടെയും കഥ പറയുന്ന കുടുംബ ചിത്രമാണ് ഇത്. പത്തിൽ താഴെ താരങ്ങൾ മാത്രമാണ് അഭിനയിക്കുന്നത്. സെറ്റിൽ വരുന്നരെ പരിശോധിച്ച് മാസ്ക്ക്, ഗ്ലൗസ് സാനിറ്റൈസർ എന്നിവ നൽകിയാണ് പ്രേവേശിപ്പിക്കുന്നത്.
മമ്മൂട്ടിയെ നായകനായ ഉണ്ട എന്ന സിനിമയ്ക്ക് ശേഷം ഖാലിദ് സംവിധാനം ചെയ്യുന്ന ചിത്രമാണിത്. സിനിമയുടെ ടൈറ്റിൽ പുറത്തുവിട്ടിട്ടില്ല. അഞ്ചാം പാതിരക്ക് ശേഷം ആഷിഖ് ഉസ്മാൻ നിർമിക്കുന്ന ചിത്രം എന്ന പ്രത്യേകതയും സിനിമയ്ക്കുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ