ലോക്ക്ഡൗണിൽ ആയതോടെ വീട്ടിലിരുന്നു കുടുംബത്തിനൊപ്പം സമയം ചെലവഴിക്കുകയാണ് എല്ലാവരും. തിരക്കുകൾ കാരണം മാറ്റിവെക്കേണ്ടിവന്ന പല കഴിവുകളും പൊടിതട്ടിയെടുക്കുകയാണ് ഭൂരിഭാഗം പേരും. ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് നടൻ ജയൻ ചേർത്തല സോഷ്യൽ മീഡിയയിൽ പോസ്റ്റ് ചെയ്ത ഗാനമാണ്.
മകനെ മടിയിലിരുത്തി നാടൻ പാട്ടു പാടുകയാണ് ജയൻ ചേർത്തല. 'രമണനും പ്രിയ മദനനൊത്ത് ആ മരത്തണലിൽ' എന്നു തുടങ്ങുന്ന ഗാനമാണ് ജയൻ ആലപിക്കുന്നത്. അച്ഛന്റെ പാട്ട് ആസ്വദിച്ചിരിക്കുകയാണ് മകൻ. എന്തായാലും അച്ഛന്റെ പാട്ടിനും മകന്റെ ചിരിക്കും മികച്ച പ്രതികരണമാണ് ലഭിക്കുന്നത്.
നല്ല നടന്‍ മാത്രമല്ല, ഗായകന്‍ കൂടിയാണല്ലോയെന്നും സിനിമയിലും പാടണമെന്നുമുള്ള പ്രശംസകളുമായി ആരാധകര്‍ രംഗത്തു വന്നിട്ടുണ്ട്. പലരുടെയും ഉള്ളില്‍ ഒളിച്ചിരുന്ന ഇത്തരം കഴിവുകള്‍ പുറത്തു വരികയാണെന്നും പലരും അഭിപ്രായപ്പെടുന്നു. നേരത്തെ ഒരു ഹിന്ദി ഗാനം ആലപിക്കുന്ന നടന്‍ സൈജു കുറുപ്പിന്റെ വീഡിയോയും വൈറലായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ