പഴയ ഓർമകളും സന്തോഷങ്ങളുമെല്ലാം പങ്കുവെക്കുന്ന തിരക്കിലാണ് സിനിമ താരങ്ങൾ. നടനും സംവിധായകനുമായ ദിലീഷ് പോത്തനും ഇപ്പോൾ ഇതേ വഴിയിലാണ്. സഹോദരിമാർക്കൊപ്പമുള്ള തന്റെ കുട്ടിക്കാല ചിത്രമാണ് താരം സോഷ്യൽ മീഡിയയിൽ പങ്കുവെച്ചിരിക്കുന്നത്. 28 വർഷം മുൻപുള്ളതാണ് ചിത്രം. 

മൂവരും ഒന്നിച്ചുള്ള കുട്ടിക്കാല ചിത്രവും ഇപ്പോഴത്തെ ചിത്രവുമാണ് താരം പോസ്റ്റ് ചെയ്തിരിക്കുന്നത്.  ” 28 വർഷം മുൻപ് ഒരു ദിലീഷ് ഫിലിപ്പും ജിൻസി ഫിലിപ്പും ജോയ്സി ഫിലിപ്പും ഉണ്ടായിരുന്നു. ഇന്നവർ ദിലീഷ് പോത്തനും ജിൻസി സനിലും ജോയ്സി കെവിനുമാണ്,സഹോദരങ്ങൾ, ജീവിതം മാറും, സ്നേഹം നിലനിൽക്കും” എന്ന അടിക്കുറിപ്പിലാണ് ചിത്രങ്ങൾ പങ്കുവെച്ചത്. 

ആരാധകർ ഏറ്റെടുക്കുകയാണ് ചിത്രം. അന്നും വയറു നിറച്ചിട്ടുണ്ട് എന്നാണ് നടി സുരഭി ലക്ഷ്മി കുറിച്ചത്. അതിനിടെ ദിലീഷ് ഫിലിപ്പ് എങ്ങനെയാണ് ദിലീഷ് പോത്തനായത് എന്നാണ് ചില ആരാധകരുടെ സംശയം. നിരവധി പേരാണ് ഈ ചോദ്യം ചോദിച്ചിരിക്കുന്നത്.