വീട്ടിൽ നടന്നൊരു അദ്ഭുതം വെളിപ്പെടുത്തിയിരിക്കുകയാണ് നടി അഞ്ജു അരവിന്ദ്. രാവിലത്തെ പൂജ കഴിഞ്ഞപ്പോൾ കണ്ട കാഴ്ചയാണ് നടിയെ അദ്ഭുതപ്പെടുത്തിയത്. പൂജ കഴിഞ്ഞ് കത്തിച്ചുവച്ചിരുന്ന വിളക്കിലെ തിരിയുടെ ആകൃതിയിലുണ്ടായ മാറ്റങ്ങളാണ് നടി വിശദീകരിച്ചിരിക്കുന്നത്. 

"തിരി കത്തിച്ചപ്പോൾ സാധാരണ പോലെ ആയി. ജപം കഴിഞ്ഞു നോക്കിയപ്പോൾ അതൊരു ഹാർട്ട്‌ ആയി. പിന്നേം കുറേനേരം ഭഗവാന്റെ മുന്നിലിരുന്നു നോക്കിയപ്പോൾ അതു ശിവ ഭഗവാന്റെ തലയിലെ ചന്ദ്രകല ആയി മാറി", ചിത്രങ്ങൾക്കൊപ്പം നടി കുറിച്ചു. 

നിരവധി ആളുകളാണ് നടിയുടെ പോസ്റ്റിന് താഴെ കമന്റുകളുമായി എത്തിയിരിക്കുന്നത്. വര്‍ഷങ്ങളായി താന്‍ തിരികത്തിച്ച് ഇങ്ങനെ പ്രാര്‍ഥിക്കുന്നുണ്ടെങ്കിലും ഒരേ സമയം ഇങ്ങനെയൊരു പരിണാമം ഇതുവരെ കണ്ടിട്ടില്ലെന്നാണ് നടിയുടെ വാക്കുകൾ. 

അഞ്ജുവിന്റെ കുറിപ്പ് 

ഇന്ന് രാവിലത്തെ പൂജ കഴിഞ്ഞപ്പോളാണ് ഈ അത്ഭുതം കണ്ടത്,തിരി കത്തിച്ചപ്പോൾ സാധാരണ പോലെ ആയി,ജപം കഴിഞ്ഞു നോക്കിയപ്പോൾ അതൊരു ഹാർട്ട്‌ ആയി.പിന്നേം കുറേനേരം ഭാഗവൻറെയ്‌ മുന്നിലിരുന്നു നോക്കിയപ്പോൾ അതു ശിവഭാഗവാൻറെയ്‌ തലയിലെ ചന്ദ്രകല ആയി മാറി...എന്തൊരു vibe ആണ് അല്ലേ,നമ്മളിൽ തന്നെയുള്ള ദൈവത്തെ കാണുന്ന ഒരു അനുഭവം...