പ്രമുഖ സോഷ്യൽ മീഡിയ പ്ലാറ്റ്ഫോമായ ഇൻസ്റ്റഗ്രാമിൽ പത്ത് ലക്ഷം ആരാധകരെ നേടിയതിന്റെ സന്തോഷം പങ്കുവച്ചിരിക്കുകയാണ് നടിയും മോഡലും എഴുത്തുകാരിയുമായ പദ്മലക്ഷ്മി. മകൾക്കൊപ്പമുള്ള ക്യൂട്ട് നൃത്തത്തിലൂടെയാണ് പദ്മ തന്റെ സന്തോഷം പ്രകടിപ്പിച്ചത്. സൗഹൃദങ്ങൾക്ക് നന്ദികുറിച്ച പദ്മ 'ദി ഗോൾഡൻ ഗേൾസ്' എന്ന അടിക്കുറിപ്പോടെയാണ് നൃത്തവിഡിയോ പങ്കുവച്ചിരിക്കുന്നത്. ഒന്നര ലക്ഷത്തോളം ആളുകളാണ് വിഡിയോ ഇതിനോടകം കണ്ടത്.
ഈ മാസം നാലാം തിയതി അമ്പതാം പിറന്നാൾ ആഘോഷിച്ച താരം ജന്മദിനത്തിൽ സോഷ്യൽ മീഡിയയിൽ പങ്കുവച്ച ചിത്രങ്ങളും ഏറെ വൈറലായിരുന്നു. ബിക്കിനിയിൽ കടൽതീരത്തുനിൽക്കുന്ന ഹോട്ട് ചിത്രങ്ങളാണ് താരം പങ്കുവച്ചത്. 'അമ്പതുകൾ പുതിയ മുപ്പതുകളാണ്, ഞാൻ തുടങ്ങാൻ പോവുന്നതേയുള്ളു' എന്നായിരുന്നു ചിത്രങ്ങൾക്ക് നൽകിയ അടിക്കുറിപ്പ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ