ഏറെ ആരാധകരുള്ള ബോളിവുഡിലെ യുവതാരമാണ് സാറ അലി ഖാൻ. ഇപ്പോൾ ഫാഷൻ ലോകത്തിന്റെ ശ്രദ്ധാകേന്ദ്രമാവുകയാണ് താരം. താരത്തിന്റെ പുതിയ ഫോട്ടോഷൂട്ടാണ് ആരാധകരുടെ മനംകവരുന്നത്. സിൻഡ്രല്ല ഡ്രസ് ധരിച്ചുകൊണ്ടുള്ള ചിത്രങ്ങളാണ് താരം ഇൻസ്റ്റ​ഗ്രാമിലൂടെ പങ്കുവെച്ചത്. 

നോർവീജിയൻ ഫാഷൻ ഡിസൈനർ ക്രിഷ്ട്യൻ ആഡ്നേവിക്കിന്റ ബ്രാൻഡിനൽ നിന്നുള്ള റഫൾഡ് മിനി ഡ്രസ്സിലാണ് സാറ എത്തുന്നത്. ലൈറ്റ് ബ്ലൂ നിറത്തിലുള്ള വസ്ത്രത്തിൽ അതിസുന്ദരിയാണ് താരം. ലെയറുകളും റഫിളുകളുമാണ് ട്യൂൾ തുണി ഉപയോഗിച്ചൊരുക്കിയ ഈ മിനി ഡ്രസ്സിനെ ആകർഷകമാക്കുന്നത്. ഒപ്പം നീളൻ അങ്കിവാലുമുണ്ട്. 

ആഡ്നേവിക്കിന്റെ 2020 വിന്റർ കലക്‌ഷനിലേതാണ് ഈ ഡ്രസ്സ്. യഥാർഥ ഡിസൈനിൽ മാറ്റങ്ങൾ വരുത്തിയാണ് സാറയ്ക്കു വേണ്ടി ഒരുക്കിയത്.15,500 യൂറോ ആണ് ഡ്രസ്സിന്റെ വില. ഇന്ത്യൻരൂപയിൽ15 ലക്ഷം വരുമിത്. ആക്സസറീസ് പൂർണമായി ഒഴിവാക്കിയാണു സാറയെ സ്റ്റൈൽ ചെയ്തത്. പോണി ടെയ്ൽ ഹെയർ സ്റ്റൈൽ ആയിരുന്നു പരീക്ഷിച്ചത്. സിൻഡ്രല്ല ലുക്ക് ആരാധകരുടെ മനംകവരുകയാണ്.