സണ്ണി വെയിനും അഹാന കൃഷ്ണയും കേന്ദ്ര കഥാപാത്രങ്ങളാവുന്ന പിടികിട്ടാപ്പുള്ളി ഒടിടി പ്ലാറ്റ്ഫോമിൽ റിലീസ് ചെയ്യും. ചിത്രം ഓഗസ്റ്റ് 27ന് ജിയോ സിനിമയിൽ എത്തും. എൺപതുകളുടെ പശ്ചാത്തലത്തിൽ ഒരുക്കിയ കോമഡി ത്രില്ലർ ചിത്രമാണ് പിടികിട്ടാപ്പുള്ളി. സിനിമയുടെ ടീസർ പുറത്തുവിട്ടു.
ജിഷ്ണു ശ്രീകണ്ഠനാണ് ചിത്രം സംവിധാനം ചെയ്തിരിക്കുന്നത്. സുമേഷ് വി റോബിനാണ് ചിത്രത്തിന്റെ തിരക്കഥയും സംഭാഷണങ്ങളും. ബൈജു സന്തോഷ്, ലാലു അലക്സ്, സൈജു കുറിപ്പ്, ജിഷ്ണു ശ്രീകണ്ഠൻ, മേജർ രവി എന്നിവരാണ് മറ്റ് താരങ്ങൾ. ഗോകുലം മൂവീസിന്റെ ബാനറിൽ ഗോകുലം ഗോപാലനാണ് ചിത്രം നിർമിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ