സോഷ്യൽ മീഡിയയിൽ സജീവമായിട്ടുള്ള മലയാള നായികമാരിൽ ഒരാളാണ് അനുശ്രീ. സിനിമാ വിശേഷങ്ങളും സ്വകാര്യ ജീവിതത്തിലെ വിശേഷങ്ങളും ചിത്രങ്ങളുമെല്ലാം താരം ആരാധകരുമായി പങ്കുവയ്ക്കാറുണ്ട്. ഇപ്പോഴിതാ 'ട്രെൻഡിനൊപ്പം' എന്ന കാപ്ഷനോടെ പുതിയൊരു ഡാൻസ് വിഡിയോയാണ് താരം പങ്കുവച്ചിരിക്കുന്നത്. 

അല്ലു അർജ്ജുൻ - ഫഹദ് ചിത്രം പുഷ്പയിലെ ‘സാമി… സാമി’ എന്ന പാട്ടിനൊപ്പമാണ് അനുശ്രീ ചുവടുവെയ്ക്കുന്നത്. സെറ്റ് സാരിയുടുത്ത് തലയിൽ മുല്ലപ്പൂ ചൂടിയാണ് അനുശ്രീ വിഡിയോയിൽ. തെലുങ്ക്, തമിഴ് മലയാളം, കന്നട ഭാഷകളിലാണ് ​ഗാനം എത്തിയത്. ഇതിലെ തെലുങ്ക് പതിപ്പിനാണ് അനുശ്രീ ചുവടുവച്ചത്. രശ്മിക മന്ദാനയാണ് സിനിമയിൽ ഈ ​ഗാനത്തിന് ചുവടുവച്ചിരിക്കുന്നത്. 

2012ൽ ‘ഡയമണ്ട് നെക്ലേസ്’ എന്ന ചിത്രത്തിൽ ഫഹദിന്റെ നായികയായി ആയിരുന്നു അനുശ്രീയുടെ സിനിമാ അരങ്ങേറ്റം.