വിമാനത്താവളത്തില് സിനിമാതാരങ്ങളെത്തിയാല് പിന്നെ ആരാധകരുടെ തിരക്കായിരിക്കും. വിഡിയോ എടുക്കലും സെല്ഫിയുമൊക്കെയായി സ്നേഹപ്രകടനത്തിന് ഒഴിവൊന്നും കിട്ടില്ല. എന്നാല് നടന് വിക്കി കൗശലിനെ തിരക്കി എയര്പോര്ട്ടിലെത്തിയ ഒരു കടുത്ത ആരാധിക താരത്തിന്റെ മനസ്സും വയറും നിറച്ചിരിക്കുകയാണ്. ഇന്ഡോര് സ്പെഷ്യല് ജിലേബിയും സമൂസയുമായാണ് ഹര്ഷിത എന്ന യുവതി നടനെ കാണാന് എത്തിയത്.
ഫാസ്റ്റ്ഫുഡ് ഒഴുവാക്കിയിരിക്കുകയാണെങ്കിലും ആരാധികയുടെ സ്നേഹത്തിന് മുന്നില് വിക്കി ഡയറ്റ് ഒക്കെ മാറ്റിവച്ചു. സമൂസ കഴിക്കുന്ന ചിത്രം ഇന്സ്റ്റഗ്രാമില് പോസ്റ്റ് ചെയ്ത് വിക്കി തന്നെയാണ് എയര്പ്പോര്ട്ട് കഥ പങ്കുവച്ചത്. എന്റെ വിശപ്പ് അറിയാന് കഴിവുള്ള ആരാധകരെ കിട്ടിയതില് സന്തോഷമുണ്ടെന്നാണ് താരം ചിത്രത്തോടൊപ്പം കുറിച്ചത്. ഇന്ഡോര് സമൂസയും ജിലേബിയും ഗംഭീരമാണെന്നും താരം കുറിച്ചു.
മൂന്ന് സിനിമകളുടെ ചിത്രീകരണ തിരക്കിലാണ് നടന് വിക്കി കൗശല്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ