ബോളിവുഡ് സുന്ദരി സണ്ണി ലിയോണിയുടെ കേരളത്തില്‍ നിന്നുള്ള പുതിയ ചിത്രങ്ങളാണ് സോഷ്യല്‍ മീഡിയയില്‍ വൈറലാവുന്നത്. ചന്ദനക്കുറിയും കയ്യില്‍ വളയും കാലില്‍ പാദസ്വരവും അണിഞ്ഞ് കേരള സ്റ്റൈലിലാണ് താരം എത്തുന്നത്. സ്വര്‍ണ കസവുവെച്ച പിങ്ക് ബ്ലൗസില്‍ അതീവ ഗ്ലാമറസാണ് സണ്ണി. 

കേരളത്തിനോടുള്ള ഇഷ്ടം വ്യക്തമാക്കിക്കൊണ്ടാണ് താരം ചിത്രങ്ങള്‍ പങ്കുവെച്ചിരിക്കുന്നത്. ദൈവത്തിന്റെ സ്വന്തം നാടിനോട് സ്‌നേഹം എന്നാണ് താരം കുറിച്ചത്. കായലില്‍ തോണിയില്‍ ഇരുന്നുകൊണ്ടുള്ളതാണ് ചിത്രങ്ങള്‍. മിറായയാണ് വസ്ത്രങ്ങള്‍ ഒരുക്കിയത്. ഹിതേന്ദ്ര കപോപരയാണ് സ്റ്റൈലിങ്. എന്തായാലും സോഷ്യല്‍ മീഡിയയില്‍ വൈറലാവുകയാണ് താരത്തിന്റെ ചിത്രങ്ങള്‍. 

താരത്തിന്റെ കേരള സ്‌റ്റൈലിനെ പ്രശംസിച്ച് നിരവധി പേരാണ് കമന്റ് ചെയ്തിരിക്കുന്നത്. ആഴ്ചകള്‍ക്ക് മുന്‍പാണ് സണ്ണി കുടുംബത്തിനൊപ്പം കേരളത്തില്‍ എത്തിയത്. തിരുവനന്തപുരത്തെ പൂവാര്‍ ഐലന്റ് റിസോര്‍ട്ടിലാണ് താരം താമസിക്കുന്നത്. കേരളത്തില്‍ നിന്നുള്ള നിരവധി ആഘോഷ ചിത്രങ്ങളാണ് ഇതിനോടകം താരം പങ്കുവെച്ചിരിക്കുന്നത്.