ചക്കപ്പഴം എന്ന ടെലിവിഷൻ സീരിയലിലൂടെ ശ്രദ്ധേയനായ റാഫി വിവാഹിതനാവുന്നു. ടിക് ടോക്ക് താരമായ മഹീനയാണ് വധു. വിവാഹനിശ്ചയം കഴിഞ്ഞു. ഒന്നിച്ചുള്ള ചിത്രം പങ്കുവെച്ചാണ് ഇരുവരും വിവാഹവാർത്ത പുറത്തുവിട്ടത്. 

ടിക്ടോക്കിലൂടെയാണ് റാഫി ശ്രദ്ധേയനാകുന്നത്. തുടർന്നാണ് ചക്കപ്പഴം സീരിയലിലേക്ക് എത്തുന്നത്. ഇതിലെ സുമേഷ് എന്ന കഥാപാത്രം റാഫിയെ ടെലിവിഷൻ പ്രേക്ഷകർക്കിടയിൽ ശ്രദ്ധേയനാക്കുകയായിരുന്നു. റാഫിയുടേയും മഹീനയുടേയും സോഷ്യൽ മീഡിയയിലൂടെയുള്ള സൗഹൃദമാണ് വിവാഹത്തിലേക്ക് എത്തിച്ചത്. റാഫിയുടെ ജന്മദിനത്തിൽ തന്നെയായിരുന്നു വിവാഹനിശ്ചയവും. അടുത്ത ബന്ധുക്കൾ മാത്രമാണ്  ചടങ്ങിൽ പങ്കെടുത്തത്. 

നിശ്ചയത്തിന്റെ വിഡിയോയും ചിത്രങ്ങളും മഹീനയാണ് പുറത്തുവിട്ടത്. 'ലോക്ക്‍ഡ്' എന്ന കുറിപ്പാണ് ചിത്രങ്ങൾ. ഇക്കയുടെ പിറന്നാളും എൻഗേജ്‍മെന്റും എന്നും മഹീന കുറിക്കുന്നു. ഇരുവർക്കും ആശംസകൾ നേർന്ന് ലക്ഷ്‍മി ഉണ്ണിക്കൃഷ്‍ണൻ, ശ്രുതി രജനീകന്ത്, അശ്വതി ശ്രീകാന്ത് തുടങ്ങി നിരവധി പേർ എത്തിയിട്ടുണ്ട്.  ​വിവാഹ നിശ്ചയത്തിന്റെ വീഡിയോകളും ചിത്രങ്ങളും സോഷ്യൽ മീഡിയയിൽ വൈറലാവുകയാണ്.