മകൾ നിലയുടെ വിശേഷങ്ങളാണ് പേളി മാണിയുടെയും ശ്രീനിഷ് അരവിന്ദിന്റെയും സോഷ്യൽ മീഡിയ പേജുകളിൽ നിറയുന്നത്. മകൾക്കൊപ്പമുള്ള രസനിമിഷങ്ങളും നിലയുടെ ഫോട്ടോഷൂട്ട് ചിത്രങ്ങളുമൊക്കെ പേളി ആരാധകരുമായി പങ്കുവയ്ക്കാറുണ്ട്. ഇക്കുറി വീട്ടിൽ നിലയ്ക്കായി ഒരുക്കിയ മുറിയുടെ വിശേഷങ്ങൾ പങ്കുവച്ചിരിക്കുകയാണ് താരം. തന്റെ യൂട്യൂബ് ചാനലിലാണ് പേളി ഈ വിഡിയോ പങ്കുവച്ചത്.
ലോക്ക്ഡൗണിൽ ആലുവയിൽ തന്റെ വീട്ടിൽ ഒരുക്കിയ ഈ മുറിക്ക് 'നിലാസ് നേഴ്സറി' എന്നാണ് പേര്. നിലയുടെ കിടക്കയും വസ്ത്രങ്ങളും കളിക്കോപ്പുകളുമൊക്കെയാണ് ഈ മുറിയിൽ സ്ഥാനംപിടിച്ചിരിക്കുന്നത്. ഗർഭിണിയായിരുന്നപ്പോൾ വായിച്ചിരുന്ന പുസ്തകങ്ങളും പേളി ഈ മുറിയിൽ സൂക്ഷിച്ചിട്ടുണ്ട്.
വിഡിയോ പങ്കുവച്ച് നിമിഷങ്ങൾക്കുള്ളിൽ നിരവധി കാഴ്ചക്കാരാണ് എത്തിയത്. ഇതിനോടകം അഞ്ച് ലക്ഷത്തോളം പേർ വിഡിയോ കണ്ടുകഴിഞ്ഞു. പേളിയോടും കുഞ്ഞു മാലാഖയോടുമുള്ള സ്നേഹമാണ് കമന്റുകളിൽ നിറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ