മലയാളത്തിന്റെ പ്രിയ സം​ഗീത സംവിധായകനാണ് ​ഗോപി സുന്ദർ. ഇന്ന് ജന്മദിനം ആഘോഷിക്കുന്ന താരത്തിന് ആശംസകൾ അറിയിച്ചുകൊണ്ട് എത്തിയിരിക്കുകയാണ് അദ്ദേഹത്തിന്റെ ജീവിതപങ്കാളിയും ​ഗായികയുമായ അഭയ ഹിരൺമയി. കോവിഡ് കാലത്തിനു മുൻപ് ഒന്നിച്ചുപോയ ഒരു യാത്രയുടെ വിഡിയോയ്ക്കൊപ്പമാണ് ആശംസ കുറിച്ചത്. 

ഹാപ്പി ഹാപ്പി ബർത്ത്ഡേ ഏട്ടാ, ഐ ലവ് യൂ. ഒന്നിച്ചു വളർന്ന് സ്നേഹിച്ച് മരിക്കാം. മികച്ച ആരോ​ഗ്യവും സമാധാനവും നൽകി അനു​ഗ്രഹിക്കട്ടെ. ഒരുപാട് സ്നേഹത്തോടെ ഹീ​ഗോ, ശിവാജി, പുരുഷു, തങ്കപ്പന്ഡ, മാഷ, കല്യാണി പിന്നെ ഞാനും- ഹിരൺമയി കുറിച്ചു. ഉക്രെയിനിലേക്കുള്ള യാത്രക്കിടയിൽ തെരുവിൽ കുട്ടികൾക്കൊപ്പം പ്രകടനം നടത്തുന്ന വിഡിയോയും പോസ്റ്റ് ചെയ്തിട്ടുണ്ട്. നിരവധി പേരാണ് ​ഗോപിസുന്ദറിന് ആശംസകളുമായി എത്തുന്നത്. 

ദിവസങ്ങൾക്ക് മുൻപായിരുന്നു അഭയ ഹിരൺമയിയുടെ പിറന്നാൾ. അന്ന് ഒന്നിച്ചുള്ള ചിത്രം പങ്കുവെച്ച് ആശംസ കുറിച്ചതിന് ​ഗോപി സുന്ദറിന് നേരെ രൂക്ഷമായ അതിക്രമം നേരിടേണ്ടിവന്നിരുന്നു. വിമർശനങ്ങൾക്ക് രൂക്ഷമായ ഭാഷയിലാണ് അദ്ദേഹം മറുപടി കുറിച്ചത്.