ദുബായ്: നടന്‍ പൃഥ്വിരാജ് യുഎഇ ഗോൾഡൻ വിസ. ദുബായിൽ എത്തിയ താരം ഗോൾഡൻ വിസ നേരിട്ട് ഏറ്റുവാങ്ങി. ദുബായ് താമസ കുടിയേറ്റവകുപ്പ് ആസ്ഥാനത്തുവച്ചാണ് പരിപാടി നടന്നത്. 10 വര്‍ഷത്തെയാണ് വിസ. പൃഥ്വിരാജ് തന്നെയാണ് ഗോൾഡൻ വിസ ലഭിച്ച വിവരം ആരാധകരെ അറിയിച്ചത്.
ഗോൾഡ് സിനിമയിലേക്ക് കയറുന്നതിനു മുൻപ് ഗോൾഡൻ വിസ ഏറ്റുവാങ്ങുന്നു എന്ന അടിക്കുറിപ്പിലാണ് താരം ചിത്രം പങ്കുവെച്ചത്. മലയാളത്തിൽ നിന്ന് മമ്മൂട്ടിക്കും മോഹൻലാലിനുമാണ് ആദ്യം ഗോൾഡൻ വിസ ലഭിക്കുന്നത്.
തുടർന്ന് ടൊവിനോ തോമസും യുഎഇ ഗവൺമെന്റിന്റെ അംഗീകാരത്തിന് അർഹനായി. വിവിധ മേഖലകളില്‍ കഴിവ് തെളിയിച്ചവര്‍ക്കാണ് യു.എ.ഇ. 10 വര്‍ഷത്തെ ഗോള്‍ഡന്‍ വിസ നല്‍കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ