ഹിന്ദി സിനിമാ സീരിയല്‍ താരം ശ്വേതാ തിവാരി ആശുപത്രിയില്‍. ശാരീരിക ബുദ്ധിമുട്ടുകളെ തുടര്‍ന്നാണ് താരത്തെ ആശുപത്രിയില്‍ പ്രവേശിപ്പിച്ചത് എന്നാണ് റിപ്പോര്‍ട്ടുകള്‍. ആരോഗ്യം വീണ്ടെടുക്കുന്നുണ്ടെന്നും വൈകാതെ ആശുപത്രി വിടുമെന്നും ശ്വേതയുടെ ടീം വ്യക്തമാക്കി.
ജോലി ഭാരം വര്‍ധിച്ചതിനെ തുടര്‍ന്ന ശ്വേതയ്ക്ക് വിശ്രമിക്കാന്‍ സമയം കിട്ടിയിരുന്നില്ല. തുടര്‍ച്ചയായ യാത്രയും അതിനെതുടര്‍ന്നുണ്ടായ കാലാവസ്ഥ മാറ്റവുമാണ് പ്രശ്‌നങ്ങള്‍ക്ക് കാരണമായതെന്നും അവര്‍ വ്യക്തമാക്കി.
ഇപ്പോള്‍ റിയാലിറ്റിഷോ ആയ ഖത്രോന്‍ കി ഖിലാഡി 11ല്‍ മത്സരാര്‍ത്ഥിയായിരുന്നു ശ്വേതാ തിവാരി. ഇതിന്റെ ഷൂട്ടിങ്ങിനായി താരം ദക്ഷിണാഫ്രിക്കയിലായിരുന്നു. ജൂണില്‍ തിരിച്ചുവന്നതിന് പിന്നാലെ ഷോയുടെ പ്രെമോഷനുമായി ബന്ധപ്പെട്ട തിരക്കുകളിലുമായി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ