മുംബൈ; ബോളിവുഡ് നടി സ്വര ഭാസ്‌കറിന് കോവിഡ് സ്ഥിരീകരിച്ചു. താരം തന്നെയാണ് സോഷ്യല്‍ മീഡിയയിലൂടെ കോവിഡ് സ്ഥിരീകരിച്ച വിവരം പങ്കുവച്ചത്. വീട്ടില്‍ നിരീക്ഷണത്തിലാണ് താരം ഇപ്പോള്‍. ലക്ഷണങ്ങള്‍ കണ്ടതോടെ പരിശോധന നടത്തിയപ്പോഴാണ് കോവിഡ് പോസിറ്റീവായത്.
കോവിഡ് പോസിറ്റീവായതായി അറിയിച്ച് താരം
ഹലോ കോവിഡ്, ആര്‍ടി പിസിആര്‍ ഫലം വന്നപ്പോള്‍ എനിക്ക് പോസിറ്റീവാണ്. ഞാന്‍ ഇപ്പോള്‍ ഐസൊലേഷനിലാണ്. പനി, തലവേദന, രുചി നഷ്ടപ്പെടുക തുടങ്ങിയ ലക്ഷണങ്ങള്‍ ഉണ്ട്. രണ്ട് വാക്‌സിനും എടുത്തതിനാല്‍ ഇത് കടന്നുപോകും എന്ന പ്രതീക്ഷയിലാണ്. എല്ലാവരും സുരക്ഷിതരായി ഇരിക്കൂ.- സ്വര ഭാസ്‌കര്‍ കുറിച്ചു.
വീണ്ടും പടര്‍ന്നു പിടിച്ച് കോവിഡ്
ഒരാഴ്ച മുന്‍പുവരെ താന്‍ കണ്ടുമുട്ടിയ എല്ലാവരേയും ബന്ധപ്പെട്ട് കോവിഡ് പോസിറ്റീവായ വിവരം അറിയിച്ചതായി താരം പറഞ്ഞു. കൂടാതെ താനുമായി ബന്ധപ്പെട്ടവരെല്ലാം പരിശോധന നടത്താനും താരം ആവശ്യപ്പെട്ടു. കോവിഡ് വീണ്ടും രാജ്യത്ത് പടര്‍ന്നു പിടിച്ചുകൊണ്ടിരിക്കുകയാണ്. വ്യാഴാഴ്ച മുംബൈയില്‍ മാത്രം 20,181 പേര്‍ക്കാണ് കോവിഡ് സ്ഥിരീകരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ