എന്നും താൻ ബിഗ് സ്ക്രീൻ ഹീറോയായിരിക്കുമെന്ന് വ്യക്തമാക്കി ജോൺ എബ്രഹാം. തന്നെ 299 രൂപയ്‌ക്കോ 499 രൂപയ്‌ക്കോ ലഭിക്കില്ലെന്നും താരം വ്യക്തമാക്കി. ഒടിടി പ്ലാറ്റ്‌ഫോമുകളിലൂടെ സിനിമ റിലീസ് ചെയ്യുന്നതിനെക്കുറിച്ചുള്ള ചോദ്യത്തിനായിരുന്നു താരം നിലപാട് വ്യക്തമാക്കിയത്.
'ഒരു സിനിമാ നിര്‍മാതാവെന്ന നിലയില്‍ ഒടിടി പ്ലാറ്റ്‌ഫോമുകളോട് താൽപര്യമുണ്ട്. ഒടിടി പ്രേക്ഷകര്‍ക്ക് വേണ്ട സിനിമകള്‍ നിർമിക്കാനും ഇഷ്ടമാണ്. പക്ഷെ ഒരു നടനെന്ന നിലയില്‍ ബിഗ് സ്‌ക്രീനിനോടാണ് താല്‍പര്യം. എന്നെ 299 രൂപയ്‌ക്കോ 499 രൂപയ്‌ക്കോ ലഭിക്കില്ല. സിനിമ കണ്ടുകൊണ്ടിരിക്കുമ്പോള്‍ പകുതിയ്ക്ക് വച്ച് നിര്‍ത്തിപ്പോകുന്നത് എനിക്ക് ഇഷ്ടമല്ല. ഞാനൊരു ബിഗ് സക്രീന്‍ ഹീറോയാണ്. അങ്ങനെ തന്നെ ആയിരിക്കാനാണ് എനിക്കിഷ്ടം'- ജോൺ എബ്രഹാം പറഞ്ഞു.
'ഏക് വില്ലന്‍ റിട്ടേണ്‍സി'ന്റെ എന്ന ചിത്രത്തിന്റെ പ്രൊമോഷന്‍ പരിപാടികള്‍ക്കിടെയാണ് താരത്തിന്റെ പ്രതികരണം. ജൂലൈ 29നാണ് 'ഏക് വില്ലന്‍ റിട്ടേണ്‍സ്' റിലീസ് ചെയ്യുന്നത്. മോഹിത് സൂരിയാണ് ചിത്രം സംവിധാനം ചെയ്തിരിക്കുന്നത്. അര്‍ജുന്‍ കപൂര്‍, ദിഷ പട്ടാനി, താര സുതാരിയ എന്നിവരാണ് മറ്റു താരങ്ങള്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ