മാതാ അമൃതാനന്ദമയിക്കൊപ്പമുള്ള ചിത്രവുമായി പ്രമുഖ ഹോളിവുഡ് താരം ഡെമി മൂർ. മാതൃദിനത്തിലാണ് അമൃതാനന്ദമയിക്കൊപ്പമുള്ള ചിത്രങ്ങൾ താരം പങ്കുവച്ചത്. ഡെമിക്കൊപ്പം അവരുടെ മൂന്ന് പെൺമക്കളേയും ചിത്രത്തിൽ കാണാം. 

'ഹാപ്പി മദേഴ്സ് ഡേ! പരിമിതികളില്ലാത്ത യഥാർഥ സ്നേഹത്തിലേക്കു വഴി തെളിച്ചവർക്കും സ്നേഹം കൊണ്ട് എന്റെ വഴിയിൽ പ്രകാശം നിറയ്ക്കുന്ന പെൺമക്കൾക്കും അളവറ്റ നന്ദി' എന്ന കുറിപ്പിനൊപ്പമാണ് ഡെമി മൂർ ചിത്രം പങ്കുവച്ചത്. മക്കളായ റൂമെര്‍, സ്‍കൗട്ട്, ടല്ലുലാ എന്നിവർ അമൃതാനന്ദമയിയുടെ അനു​ഗ്രഹം വാങ്ങി കാൽക്കൽ ഇരിക്കുന്നതാണ് ചിത്രത്തിലുള്ളത്. അമൃതാനന്ദമയിയുടെ അനുയായി ആണെന്ന് ഡെമി മൂർ വെളിപ്പെടുത്തുന്നത് ആദ്യമായിട്ടാണ്. 

നിരവധി പേരാണ് പോസ്റ്റിന് താഴെ കമന്റുമായി എത്തിയിരിക്കുന്നത്. മാതാ അമൃതാനന്ദമയി നിങ്ങളുടെ ആത്മീയ ​ഗുരുവാണോ എന്നാണ് എല്ലാവരും ചോദിക്കുന്നത്. അമൃതാനന്ദമയിയുമായുള്ള അനുഭവം പങ്കെടുക്കുന്നവരും നിരവധിയാണ്. പ്രമുഖ ഹോളിവുഡ് താരം ബ്രൂസ് വില്ലിസുമായുള്ള ദാമ്പത്യത്തിലാണ് ഡെമി മൂറിന് മൂന്നു പെൺ‍‍‍‍മക്കൾ ജനിക്കുന്നത്. 1987 ൽ വിവാഹിതരായ ഇവർ 2000 ൽ വേർപിരിഞ്ഞു. ഈയടുത്ത് അഫാസിയ രോഗം മൂലം അഭിനയലോകത്തുനിന്നു ബ്രൂസ് വില്ലിസ് പിന്മാറിയിരുന്നു. 

ഈ വാർത്ത കൂടി വായിക്കാം

പ്രമുഖ കൊറിയന്‍ നടി കാങ് സൂ യോണ്‍ അന്തരിച്ചു

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ